Nazirdən məktəblərdəki istilik problemlərinin səbəbləri barədə AÇIQLAMA

Məktəblərdə istilik təchizatı ilə bağlı xeyli iş görülür.

Ölkə.Az xəbər verir ki, bu sözləri elm və təhsil naziri Emin Əmrullayev deyib. O bildirib ki, hazırda məktəblərdə istiliklə bağlı vəziyyət qənaətbəxşdir:

"Hazırda təhsil müəssisələri üzrə 5745 təhsil və məktəbəqədər təhsil müəssisələrindən 508-i dizellə, 445-i elektrik enerjisi ilə 2034-ü odunla, 2758-i isə qazla qızdırılır. Bu il 1652 məktəb elm və təhsil nazirliyinə müraciət edib. Müraciət edən bütün məktəblərdə istilik sistemi təmin edilib.

Məktəblərdə istilik sistemi qoşulduqdan sonra problemlər ortaya çıxa bilir və aradan qaldırılması istiqamətində işlər görülür. Yəqin ki, bu problem növbəti bir neçə həftə ərzində müşahidə olunacaq. Bu gözləniləndir, çünki uşaqlar sistem apreldə dayandırılır və noyabrda qoşulanda təbii ki, hansısa narazılıqlar ola bilər. Amma ümumilikdə bir neçə məktəb var ki, burada obyektiv səbəblərdən ciddi problemlər ola bilər. Məktəbin istilik sisteminin yenidən qurulması  problem ola bilir", - nazir söyləyib.

Billurə Yunus