Qamət Suleymanov: "Dar-Əl-Bir cəmiyyəti mənim deyil"

Dar-Əl-Bir cəmiyyətinin ofisində yoxlamalara başlanması və bu cəmiyyətin adının Hacı Qamətlə hallandırılmasına aydınlıq gətirmək üçün Ölkə.az Əbu Bəkr məscidinin axundu ilə əlaqə saxladı.

Hacı Qamət Suleymanov Ölkə.az-a açıqlamasında məsələnin təfərrüatları ilə tanış olmadığını bildirib.

Hacı Qamət deyib ki, Dar-Əl-Bir cəmiyyəti xeyriyyəçi, yetimlərə əl tutan bir təşkilatdır. Təşkilatın ofisində Vergilər Nazirliyinin əməkdaşları yoxlama apardığı haqda mənə də xəbər gəlib. Ancaq təfərrüatından heç bir xəbərim yoxdur.

"Media niyə o cəmiyyəti mənim adımla bağlayır, anlamıram. Mən cinayətkaram? Belə çıxır ki, harada dostumuz, tanışımız var orada bir şey olsa, həmin hadisədə mütləq mənim adım da hallanmalıdır? Dar-əl-Bir cəmiyyətinin sədri Yaşar Qurbanovu tanıyıram, bu o demək deyil ki, cəmiyyət mənimdir. Bəzi qüvvələr daxili və xaricidə ola bilər, bizim adımızı başqa yerlərlə əlaqələndirmək istəyirlər. Ancaq bizim mövqeyimiz bəllidir", deyə Qamət Suleymanov vurğulayıb.

Ölkə.az