Mətn ölçüsü:
  • 100%

Ötən il 37 min nəfər heyvanların hücumuna məruz qalıb, ölən olub - RƏQƏMLƏR

2022-ci il ərzində Respublika üzrə 36960 nəfər heyvanlar tərəfindən hücuma məruz qalıb. 

Bu barədə Ölkə.Az-ın sorğusuna cavab olaraq Respublika Gigiyena və Epidemiologiya Mərkəzindən bildirilib. Qeyd edilib ki, bunlardan 18712 nəfəri məlum it, 11662 nəfəri naməlum it, 5341 nəfəri pişik, 619 nəfəri siçovul, 626 nəfəri isə digər heyvanlar tərəfindən törədilib.

Mərkəzdən saytımıza verilən açıqlamada həmçinin qeyd edilib ki, ötən il cəmi bir nəfər quduzluq səbəbindən vəfat edib: 

“2022-ci il ərzində Respublika üzrə cəmi 1 quduzluq hadisəsi aşkar edilib ki, bu da zərərçəkənin naməlum it dişləməsindən sonra antirabik vaksin, immunoqlobulin ve tetanus əleyhinə vaksin vurdurmaması səbəbindən olub. Nəticədə zərərçəkən quduzluq diaqnozu ilə vəfat edib”, - məlumatda qeyd edilib.

Billurə Yunus