Fəthullah Gülənin erməni sevdası
Ölkə.Az saytı olaraq bu gün Türkiyənin “Zaman” qəzetinin internet portalında Selçuk Gültaşlının erməniləri öyərək yazdığı yazını təqdim edirik.
İllər əvvəl idi. Hələ o vaxtlar Pensilvaniya Türkiyənin 82-ci rayonu deyildi... Bir gün Fəthullah Gülənin söhbətlərinə qatılma şərəfinə nail oldum.
Van şəhərində yerləşən “Yüzüncü Yıl” Universitetinin rektoru Yücel Aşkının tarixi əsəri oğurlamaqda ittiham edildiyi illər idi.
Rektor bir az da dünyəvi və iqtidara müxalif bir imic yaratmışdı. Onunla bağlı insanlar arasında mənfi fikirlər dolaşırdı. Fəthullah Gülənlə söhbətə yığışmış insanlardan biri “Yüzüncü Yıl” Universitetinin rektoru Aşkının soyunda ermənilik olduğunu qeyd etdi.
Fəthullah Gülən bu söz qarşısında üzünü buruşdurub bir xatirəsini danışdı: “Uşaqlıq illərimdə kəndimizdə çox yaşlı bir qadın var idi. Alnında səcdə izi olan bu qadına bütün kənd əhalisi hörmət edirdi. Həyatını zikrə və ibadətə həsr edən bu qadın erməni əsilli idi. İnsanları etnik qruplara görə bölmək lazım deyil. Məqbul erməni ihtida etmiş ermənidir.”
İndi isə sizə Fəthullah Gülənin 7 avqust çıxışını təqdim edəcəm: “ Siz hansı irqdən gəlmisiniz, əgər türksəniz iftixar edə bilərsiniz. İnsanın mənsub olduğu millətlə iftixar etməsi haqqıdır. Fəqət buna görə digərlərini təhqir etmək lazım deyil.”
Fəthullah Gülənə qarşı hər zaman həddini aşan Ərdoğan bu dəfə də seçki kampaniyasında ona təhqir və böhtanlar yağdıraraq irqçi adlandırdı. Avqustun 5-də öncədən razılaşdırılmış suallarla televiziya verilişinə qatılan Ərdoğan erməni olmağın nə qədər çirkin olduğunu qeyd edərək “ Çıxdılar biri eyni zeyniyyətlə mənə “gürcüdür” deyən oldu. Hətta biri çox çirkin ifadə işlədərək, üzr istəyirəm, mənə “erməni” dedi” şəklində çıxış edib.
Xatırlayın, həmin bu Ərdoğan 24 aprel 1915-ci il faciəsində həyatını itirmiş ermənilər üçün başsağlığı vermişdi.
Keçən həftə yazdığım yazımda Ərdoğanın ənənəvi hal almış balkon çıxışında səmimi olacağını və bizi utandıracağını ümid etmişdim. Lakin bütün ümidlərim boşa çıxdı. Həmişə olduğu kimi təhdidləri, təhqirləri, media heyətinə qarşı qərəzli sözləri davam etdirərək çıxış etdi. Qarşımızda bütün bunlara izah verən mənzərə durur. Kürd məsələlərində erməni problemini, Heybəliadada insan azlığını, irqçilikdən anti-semitizmə qədər olan problemlər üçün Ərdoğan heç bir tədbir görmür. Bəs Prezident seçkilərində konstitusiya problemini əsas mövzu olaraq önə çıxarmasına necə izah verəcəksiniz?
Yazının türkcəsini buradan oxuya bilərsiniz: www.zaman.com.tr
Ölkə.Az
