"Qalatasaray" - "Əmrahbank" qalmaqalı böyüyür

Türkiyədə “GS kredit kartı” formatını Azərbaycanda tətbiq edən "Əmrahbank" "Qalatasaray" tərafarları üçün klubun rəng çalarlarını üzərində əks etdirən "Fan card" buraxıb.

Həmin kredit kartı sahiblərinə “GS” mağazalarında 10% ilə 20% arasında endirimlər ediləcəyi qeyd olunub. 

Xatırladırıq ki, "Qalatasaray" klubu bu məsələdən yalnız kart istifadəyə verildikdən sonra xəbər tutub.

Ölkə.Az xəbər verir ki, "Qalatasaray" klubu icazə alınmadığı və məlumat verilmədiyi üçün "Əmrahbank"ı məhkəməyə verəcəyini bildirib. Türkiyə mətbuatında çıxan xəbərlərə görə, klub tərəfindən bazar ertəsi "Əmrahbank"a xəbərdalıq məktubu göndəriləcək. Həmçinin "Qalatasaray"ın Hüquq bürosundan məsələnin məhkəməyə qədər gedə biləcəyini vurğulayıblar.

Məsələni dəqiqləşdirmək üçün Əmrahbankla əlaqə yaratdıq. Bankın ictimaiyyətlə əlaqələr şöbəsinin rəhbəri Elmira Vəliyeva Ölkə.az-a bildirdi ki, "O xəbərlər hamısı yalnışdır. "Əmrahbank" "Qalatasaray Bakı uşaq məktəbi"nin dəstəkçisidir. "Fan card"ın buraxılması "Qalatasaray" ilə razılaşdırılıb. Türk mətbuatında çıxan xəbərlər də "Qalatasaray" klubunun rəsmi mövqeyi deyil. Bu kimlərinsə uydurmasıdır".

Səxavət Məmməd

Ölkə.az