Cavid Hüseynov həbsdə qaldı

Bu gün "Qəbələ"nin futbolçusu Cavid Hüseynovun həbsiylə bağlı apellyasiya şikayətinə baxılıb.

Cavidin vəkili Adəm Məmmədov bildirib ki, hakim İlqar Murquzovun sədrliyi ilə keçirilən iclasda həbs qətimkan tədbiri qüvvədə saxlanılıb.

Vəkil həbs qətimkan tədbirinin ləğv olunması ilə bağlı vəsatət vermişdi.

Avqustun 8-də "Qəbələ" klubunun futbolçusu Cavid Hüseynovun qohumları və dostları tərəfindən döyülən jurnalist Rasim Əliyev avqustun 9-da ölüb. Faktla bağlı cinayət işi açılıb. Cavid Hüseynov barədə təqsirləndirilən şəxs qismində 3 aylıq həbs qərarı verilib.

Ölkə.Az