Çirkli Bakıya səyahət

Ölkə.az oxucularını "Çirkli Bakı"ya səyahətə çıxarır

Bakı inkişaf edir, gözəlləşir, ancaq yol kənarları, görünən tərəf...

"Təmiz Binəqədi". Bəs Biləcəri, Nəsimi, Əhmədli...

Binəqədi icra hakimiyyəti "Təmiz Binqədi" şüarı ilə Binəqədini abadlaşdırır. Yeni zibil qutuları quraşdırır. Hətta zibil qutularının üzərinə belə "Təmiz Binəqədi" yazılıb.

Binəqədi rayon, 9-cu mikrorayon ərazisindəyik. Mircəlal küçəsi boyu zibil qutularına rast gəlirik. Hamısı təmiz, ətrafı səliqəli. Adam lap heyran qalır. Bir anlığa Bakıda olduğunu unudursan, sanki başqa aləmə düşmüsən.

Bu heyranlıqdan sonra qərara gəlirik ki, yol kənarından, görünən tərəflərdən uzaqlaşıb keçək məhəllərin arasına. Yoldan 10-15 metr məsafə qət edərək daxil olduğumuz məhləiçi əraziyə düşdükdə isə yenidən "Bakıya qayıdırıq"yolun kənarında gördüyümüz xoş yuxudan. Və bizə aydın olur ki, "Təmiz Binəqədi" yol kənarı, görünən yerlər imiş, bura isə çirkli Binəqədidir.

Zibil qabları ağzına kimi dolub daşır, ətrafı üfunət qoxusu bürüyüb. Sakinlərdən soruşuruq ki, zibil qabların nə zaman boşaldılır? Cavab verirlər ki, kefləri istəyən vaxt. Yol kənarındakı zibil qabların boşaldırlar ancaq məhəllə arasına çox az-az gəlirlər. Ona görə də zibil yığını az qala qutuları basdırır. Yayın istisində buradakı üfuəti təsəvvür edə bilməzsiniz.

Keçirik paytaxtımızın mərkəzi rayonlarından olan Nəsimi rayonunun ərazisinə. Burada da eyni vəziyyətin şahidi oluruq. Yol kənarındakı zibil qabları tərtəmiz, məhəllə araları isə zibillik içində batır.

Zibil günüdəki zibil qabları

Məhəllə arası zibil qabları zibilliklər kimi ikili standatlara məruz qalıblar. Yol kənarındakı zibil qabları baxımlı, boyalı, yuyulmuş, ancaq həyətlərdəki zibil qabları tör-töküntülü, təkərləri qırıq və pis vəziyyətdə.

Nəsimi rayonunun 4-cü mikrorayonunda bir zibil qabı diqqətimizi daha çox cəlb etdi. Təkərləri xarab, özü əzik-əzik, üstüəsə yazılıb "DƏYİŞİN". Onu ora yazan, sanki zibil qutusunun "ürəyindən" xəbər verirdi. Zibil qabları ilə maraqlananda diqqətimizi çəkən əsas şeylərdən biri də, böyük marketlərin yanındakı zibil qablarının bir neçəsinin market trəfəindən alınması və ora sakinlərin zibil tökməyinə icazə verilməməsi oldu. Sakinlər iri marketlərin zibil qutularını alır və yaxındakı evlərin sakinlərinə bu qutulara zibil atmağa imkan vermədiklərini dedilər.

Bu məsələni yaxınlıqdakı MKİS-nin əməkdaşlarına müraciət edərək aydınlaşdırdıq. MKİS-dən bizə dedilr ki zibil qutularının ikisinin pulunu market ödəyir və ona görə də bu qutulardan ancaq özləri istifadə edirlər. Qanunda belə bir şeyin olub-olmadığını soruşduqda isə "biz heç nə bilmirik" deyib hərəsi bir tərəfə dağılışdı.

Səxavət Məmməd

Ölkə.az