"Sevil massivi" etirazçıları Prezident Administrasiyasının önünə doğru irəliləyirlər
"Sevil massivi"nin qarşısında keçirilən aksiya davam edir.
Bu gün səhər "Sevil massivi"nin qarşısına yığışmış 100-ə yaxın zərərçəkəni polis dağıdıb. Hadisəni işıqlandıran jurnalistlər, o cümlədən hadisə yerindəki Ölkə.az-ın əməkdaşı Səxavət Məmməd də polis zorakılığına məruz qalıblar.
"Sevil massivi"nin qarşısından Korrupsiya idarəsinin qarşısına yönləndirilən aksiya iştirakçıları buraya gəliblər. Aksiya iştirakçılarına burada da dəqiq bir söz deyilmədiyindən etirazçılar bu dəqiqələrdə prezident aparatının qarşısına doğru irəliləməyə başlayıblar.
Hadisə yerində olan əməkdaşımız son dəqiqə xəbərlərini bizə ötürməkdə davam edir. Hadisələrin inkişafı ilə sizi isti-isti tanış etməyə davam edəcəyik.
Az sonra hadisə yerindən çəkilmiş video və fotoreportajı oxucularımıza təqdim edəcəyik.
Ölkə.az
