Hacı Nuranın vəziyyəti ağırlaşdı: "Dostlarımla vidalaşırdım"

Hazırda Düsseldorfda müalicə olunan tanınmış teleaparıcı Hacı Nuran Hüseynovun vəziyyəti ağırlaşıb.

Ölkə.Az xəbər verir ki, bu barədə teleaparıcı sosial şəbəkədə özü yazıb:

"Neçə gündür ki, özümü çox pis hiss edirəm, gecə-gündüz həkimlər başımın üstündə, xəstəlik də gündən-günə irəliləyir, halım çox dəyişib. Müalicə olunmağa və ağır kimyaterapiyaya taqətim qalmayıb. Hələ qabaqda transplantasiya var. Dünən burada dostlarımla vidalaşırdım. Bakıdan, Almaniyadan, Avstriyadan, Belçikadan, Fransadan, Hollandiyadan, İsveçdən, Rusiyadan gəlib məni ziyarət edən bütün dostlarıma minnətdaram".

Xatırladaq ki, bir müddət öncə vətənə dönən Hacı Nuranın səhhəti yenidən pisləşib. O, hazırda Almaniyanın Düsseldorf şəhərində müalicə olunur.

İntiqam VALEHOĞLU

Ölkə.Az