Parisdə keçiriləcək \"Azərbaycan kəndi\" tədbiri erməniləri təşvişə saldı

Fransanın erməni təşkilatları ölkə rəhbərliyinə müraciət ediblər.

Ölkə.az xəbər verir ki, 3 sentyabr tarixində Paris meriyasının 1-ci dairəsində "Pale-Royalın ürəyində Azərbaycan kəndi" tədbirinin keçiriləcəyi erməniləri bərk təşvişə salıb.

Azərbaycanla Fransanın arasında getdikcə möhkəmlənən ikitərəfli əlaqələri gözü götürməyən ermənilər mütəmadi olaraq bu əlaqələri pozmaq cəhdləri edirlər. Bu dəfə ermənilərin şivəninə səbəb isə "Pale-Royalın ürəyində Azərbaycan kəndi" tədbiri olub. Tədbirdə Azərbaycan mədəniyyətinin, mətbəxinin, musiqisinin tanıdılacağı, Azərbaycan haqqında fransız dilində kitablar paylanacağı, xalçaçılıqdan tutmuş nəqqaşlığa qədər Azərbaycan incəsənətinin sərgilənəcəyi bildirilir. Tədbirə Fransanın bir çox siyasətçiləri, ictimai xadimləri, ziyalıları, iş adamlarının qatılacağı gözlənilir. Həmçinin tədbirdə Fransadakı diplomatik korpusun nümayəndələri də iştirak edəcək.

Artıq Fransa KİV-lərində "Pale-Royalın ürəyində Azərbaycan kəndi" tədbirinin işıqlandırılması xəbis erməni mahiyyətini üzə çıxararaq şivən kampaniyasının başlamasına səbəb olub. Amma tədbirin təşkilatçıları bədxahlarımızın bütün səylərinə baxmayaraq onun yüksək səviyyədə keçiriləcəyini deyirlər.

Ölkə.az