Türkiyəli millət vəkili yaralı əsgərlərimizə baş çəkdi

“Dua edirik”.

Türkiyə Böyük Millət Məclisinin (TBMM) Türkiyə-Azərbaycan dostluq qrupunun rəhbəri, AKP Adana millət vəkili Necdət Ünüvar Türkiyədə müalicə alan yaralı Azərbaycan əsgərlərinə və Qəzzadan gətirilən yaralılara baş çəkib. 

Ölkə.Az xəbər verir ki, bu barədə apa-ya Türkiyənin Azərbaycandakı səfirliyindən məlumat verilib. 

TBMM-nin Sağlamlıq, Ailə və Çalışma Komissiyasının sədri olan N.Ünüvar Atatürk Təhsil və Araşdırma Xəstəxanasında müalicə alan yaralıların vəziyyəti ilə maraqlanaraq onlarla söhbət edib, xəstəxana rəhbərliyindən ətraflı məlumat alıb.

N.Ünüvar yaralılara deyib ki, öz vətənlərindəki kimi rahat olsunlar:

“Ölkənizdə yaşanılan müharibənin tezliklə bitəcəyinə inanırıq və millət olaraq bunun üçün dua edirik”.

Azərbaycan əsgərləri səhhətlərində ciddi problem olmadığını söyləyərək Türkiyə dövlətinə və xalqına minnətdarlıqlarını çatdırıblar. Elvin Əsgərov və Sərxan Tahirzadə ilə söhbət edən millət vəkili onların vəziyyəti ilə yaxından maraqlanıb. Görüşə azərbaycanlı müğənni Azərin də qatılıb.

Ölkə.Az