Mətn ölçüsü:
  • 100%

"Jalə mediasının" "Rixos" oteldə gənc xanıma əxlaqsız təklif xəbəri qurama çıxdı

İnternet-mediamızın "cır xoruzları" və "yumurtadan kəsilmiş qart toyuqları" bu gün öz aralarında müzakirə etmək üçün sosial şəbəkədə yeni mövzu dərc edilblər.

Mövzu Azərbaycanın gənc, perspektivli, ölkəmizin maraqlarının xaricdə qorunması üçün böyük işlər görən iş adamlarından biri Anar Məmmədova məxsus oteldə, guya hansısa inzibatçının işə düzəlməyə gələn hansısa qıza çirkin təklif etməsidir. 

Ölkə.Az olaraq məsələni araşdırmaq qərarına gəldik. "Facebook" ulduzlarından birinin yazdığı statusla vaqeə olan əhvalatdan belə anlaşılırdı ki, A.A adlı bir qız adı çəkilən "ulduza" təcili zəng vuraraq, ağlaya-ağlaya, hıçqıra-hıçqıra işləmək üçün gəldiyi Anar Məmmədova məxsus otelin inzibatçısının ona çirkin təklif etməsini bildirmş və məsələni təcili ictimailəşdirməsini xahiş etmişdir. Ortada nə qız var, nə inzibatçı, nə üzünü görən var nə səsini eşidən... Amma "cır xoruzlar" və "yumurtadan kəsilmiş qart toyuqlar" artıq cummuşdular xəbər leşinin üstünə... 

Tər-təmiz əvvəlcdən planlaşdırılmış bir "tora salma əməliyyatı" olan hadisə o saat sifarişçilərinin izini ortaya çıxartdı. Özlərini "kompromat savaşçısı", "kompromat nəzəriyyəçisi" hesab edənlər öz dayaz düşüncələri ilə biznesmen Anar Məmmədova qarşı qurulmuş qara yaxma kampaniyasıda özləri belə hiss etmədən öz patronarını ələ verdilər. Böhtanı  status kimi dərc edən "ulduzun" səfihəsindəki mətni götürüb baş xəbər kimi verən "kamalist media orqanı" əslində məsələnin arxasında duran patronunu deşifrə etmiş oldu. 

"Cır xoruzların" məntiqinə görə, statusu dərc edən "ulduzun" doğma kəndindəki torpaq sahəsində hansısa zoofilin kənddəki eşşəklərdən biri ilə cinsi əlaqəyə girməsinə görə məgər o məsuliyyət daşıyır? Və ya bu "facebook ulduzu" da həmin vaqeənin iştirakçısı və ya təşkilatçısımı hesab edilməlidir? Məsələn, əgər hadisəni tirajlayan, yəni axar.az saytında gecə keçirdiyi əyyaşlıqdan başı hələ də ayılmamış bir redaktor işçiyə əxlaqsız təklif etsə məgər buna görə saytın təsisçisi Aynur Camalqızı və sponsoru cənab Heydərovmu məsuliyyət daşıyırlar? Əgər bu məsələdə Anar Məmmədov həqiqətən günahkardırsa, onda sadaladığımız halların, "ulduzun" torpaq sahəsində eşşəyin başına gətiriləcək və hadisəni tirajlayan saytın redaksiyasında baş verəcək seksual xarakterli cinayətdə məhz "ulduz" və cənab Heydərov günahkardırlar.

Məsələ ilə bağlı A.A adlı həmin bu "qızcığazla" da əlaqə saxladıq, o bildirdi ki, "məsələ artıq öz həllini tapıb. Heç bir şikayətim yoxdur, Sağ olsun rəhbərlik məsələyə ciddi yanaşdı."

Əgər belə bir hadisə baş vermişdisə, nə üçün bu "əməkdar" əməkdaş öz şikayətini otel rəhbərliyindən öncə "kamalist media orqanı"na edib? Buradan həmçinin o nəticəyə gəlmək olur ki, istər hadisə, istərsə də xəbər tamamilə quramadır və qarayaxmadan başqa bir şey deyil. Anar Məmmədovun diasporamızın güclənməsi və ölkəmizin xaricdə tanıdılması istiqamətində apardığı işlərin ölkə rəhbərliyi tərəfindən yüksək qiymətləndirilməsini həzm edə bilməyən məlum qüvvələrindən irəli  gələn qısqanclığın belə bir çirkin böhtana dönməsi ilk öncə dövlət maraqlarımıza yönəlmiş zərbədir. Belə neqativ hallarla mübarizə hər bir tərəqqipərvər azərbaycanlının vətəndaşlıq borcudur.

Qeyd edək ki, otel rəsmiləri ilə əlaqə saxladığımızda məlum oldu ki, sosial şəbəkədə və bir saytda inzibatçı kimi təqdim edilən Ümid adlı şəxs həmin oteldə sadəcə bir işçidir və heç bir menecer vəzifəsini daşımır.  

Ölkə.az, Monitorinq şöbəsi