Siyasətçilərimiz niyə şəhidlərin dəfn mərasimində iştirak etmir?

Bunun səbəblərini aydınlaşdırmaq üçün bir neçə millət vəkilinə və deputata müraciət etdik:

Fazil Mustafa: Azərbaycan cəmiyətini İslam çox maraqlandırmır. Bizi intriqa maraqlandırır. Hadisələrin mazaxizmi daha çox cəlb edici olur. Bizi bir neçə kəndin geri alınması və bir neçə post irəli getdiyimiz maraqlandırmamalıdır. Bizi ümumən Qarabağın boşaldılması və bizim ora hakim gəlməyimiz maraqlandırmalıdır. Biz müqavimət göstərən tərəfik, hücum edən tərəf deyilik. Rusiya öz varlığını gösərmək üçün belə bir gərginlik yaratdı. Azərbacan da fürsət taparaq gücünü nümayiş etdirdi. Bu müsbət bir şeydir ancaq bunun irəlliləyiş kimi təqdim edilməsi düzgün deyil. Müharibə soyuqqanlı, hərbi qaydalarla aparılan bir sənətdir, bizimkilər isə insanları qızışdırmağa üstünlük verdi. Hamı başlayıb vətənpərvərlik nağılı oxumağa ancaq sabah səfərbərlik elan olunsa elə onların hamısında böyrək çatışmamazlığı, təzyiqin aşağı olması və.s. kimi problemləri çıxacaq. Biz şəhid vermişik onlardan da öldürülənlər var. Son vaxtlar baş verənlər müharibə yox lokal toqquşmalar idi ancaq bunu müharibə aurası ilə cəmiyyətə sırımaq düzgün deyil. Şəhidlərin dəfn mərasimində müxalif cəbhənin iştirak etməməsi təkcə müxalif düşərgənin günahı deyil. Azərbaycanda müxalifətə münasibət mədəniyyəti yoxdur. Müxalifət hansı protokolda durmalıdır? Rayonlara gedən müxalifətçilərə də münasibət normal deyil. Rayona gedəndə vəziyyəti gərginləşdirmək, vəziyyətdən suiistifadə ittihamları irəli sürülür. Bunlar artıq olmamalıdır. Hakimiyyət özü müxalifətin guya böyük təhlükə olması barədə fikir formalaşdırıb ancaq əslində elə deyil. Mənim fikrimcə şəhidlərin Bakıda vida mərsimi olmalıdır. Orda iqtidar, müxalifət, bütün partiya nümayəndələri, ictimayət nümayəndələri iştirak edib baş sağlığı verməlidir. Bu məsələlərdə müxalifəti qınamaq olmaz. Hərbi hisələrə gedib əsgərərlə görüşmək istəyirik ordan deyirlər yuxarıdan icazə alın. Əsgərimizi görmək üçün yuxarıdan niyə icazə almalıyıq? Bir neçə nəfərə hərbi hissələrə getmək imtiyazı veriblər. İcazə almadan da gedəndə adam hörmətsiz olur ona görə də, getmirik. Jurnalistlərin hərbi hissələrə, səngərə getmək imkanı siyasətçilərdən daha çoxdur. Əleyhlərinə yazmasınlar deyə onlara icazə verirlər. Müdafiə nazirliyinin fəaliyyətini qanaətbəxş hesab etmirəm.

Fəzail Ağamalı: Vətən uğrunda şəhid olan hər bir soydaşımızın ailəsinə dərin hüzünlə başsağlığı verirəm. Azərbaycan xalqına səbr diləyirəm. Biz müharibənin birinci hissəsini uduzmuşuq artıq 20 ildən çoxdur ki, ikinci hissəyə hazırlaşırıq. Geridə qalan zamanda biz orduçmuzu qurduq, hərbi texniki bazasını gücləndirdik və yeni növ silahlarla silahlandıq. Biz bu mərhələdə torpaqlarımızı sülh yolu ilə qaytara bilmədik. Qərb ikili standartlarla yanaşır bu məsələyə. Qərb unudur ki, bu münaqişə ocağı qaldıqca Qafqazda, MDB məkanında, Yaxın Şərqdə geniş miqyaslı müharibə başlaya bilər. Prezidentlərin Soçi görüşündən hadisələrin gedişi üçün müsbət bir şey görmədim. Mən təssüf edirəm ki, şəhidlərimizin dəfn mərasimində iştirak edə bilmədim. Müxalifət partiya liderlərinin dəfn mərasiminə getməməsi onların içindəki komplekslə bağlıdır. Ora gedən siyasətçilərə nə hökümət nə də şəhidin qohumları heç vaxt "niyə burdasız?" sualı verməz.

İqbal Ağazadə: Adətən müxalif partiyalardan kimsə dəfn məraimində iştrak edəndən sonra çoxlu söz-söhbətlər çıxır. Rayonlara gedəndə yerli strukturlar da müqavimət göstərir, ev sahibi də tərəddüd edib çətin vəziyyətə düşür. Hakimiyyətin mövqeyi də məlumudur bu məsələlərdə. Getməməmiz o demək deyil ki, biz şəhidlərimizi yad etmirik.

Tural Abbaslı: Təssüf olsun ki, Azərbaycanda hər bir sahə siyasiləşdirilib. Hakimiyyət bütün sferaları nəzarət altına alıb. Hətta bizdə belə bir əcaib qanun da var ki, yas və toy mərasimlərində siyasi çıxışlar qadağandır. İnsanların məişəti də siyasiləşdirilib. Şəhidlərimizin dəfn mərasimində, milli qürur günlərində müxalifət də iştirak etməlidir. Ancaq buna imkan verilmir. Müxalifətin şəhid dəfnində iştirakı ikitərəfli qadağan olunub. Həm hakimiyyət qadağası var, həm də şəhid ailələri qorxusundan müxalif düşərgəni öz yas mərasimində görmək istəmir. Müxalifət də çalışır həmin tədbirlərdə təmsil olunsun ancaq mümkün olmur. Ona görə də, müxalifəti qınamaq lazım deyil.