Nazirlər kabinetindən əmək qabiliyyətinin itirilməsi ilə bağlı yeni

Sağlamlığın 21 gün və daha uzun müddətdə pozulması və ümumi əmək qabiliyyətinin üçdə bir hissəsindən az olmaqla (10%-dən 33%-ə qədər), dayanıqlı itirilməsi ilə nəticələnən xəsarətlər az ağır xəsarətlər sayılacaq.

Bu, Nazirlər Kabinetinin təsdiq etdiyi “Ağır, az ağır və yüngül xəsarət növlərinin Siyahısı”nda əksini tapıb.

Siyahıya əsasən, yüngül xəsarətlər də müəyyənləşib. Sağlamlığın qısa müddətdə (21 gündən az) pozulmasına səbəb olan xəsarətlər, qabırğalar istisna olmaqla, bir qabırğanın fraqmentlərinin yerini dəyişməyən sınığı,  burun sümüyünün cərrahi müdaxilə tələb etməyən  deformasiyasız sınığı, əl və ayaq barmaqlarının falanqa sümüklərinin sadə (yerini dəyişməyən, qəlpəsiz) sınıqları (əllərin 1-ci barmaq­ları, ayaqların 1, 2 və 3-cü barmaqları istisna olmaqla), cərrahi tikilən və ya cərrahi tikişə ehtiyacı olan yaralar, baş beyin silkələnməsi, sağlamlığı qısa müddətə pozan digər zədələnmələr və  əmək qabiliyyətinin cüzi (10%-ə qədər) dayanıqlı itirilməsinə səbəb olan zədələnmələr yüngül xəsarətlərə aid ediləcək./apa/

Ölkə.Az