"Bakıkart"dan Ölkə.az-ın xəbərinə rəsmi

Ceyhun Əliyev:"Zamanı gəldiyində hər kəs doğruları görəcək"

“Bakıkart” layihəsinin rəhbəri Ceyhun Əliyev kartın dizaynının oğurlanması ilə bağlı məsələlərə aydınlıq gətirdi.

Ölkə.Az xəbər verir ki, Ceyhun Əliyev Anspress-ə açıqlamasında bu haqda ətraflı danışmaq istəmədiyini bildirib. “Mən “Bakıkartın” dizaynının oğurluq olması ilə bağlı yazılanlar barəsində hələlik gözləmə mövqeyindəyəm. Hazırda xəbər portallarında bu barədə çıxan yazıları təqib edirəm. Ancaq düşünürəm ki, bütün bu məsələlərə aydınlıq gətirmək üçün yaxın zamanlarda mətbuat konfransı təşkil edəcəyəm.”-deyə C.Əliyev bildirib.

Layihə rəhbəri deyir ki, bar verən ağacı daşlayan çox olar. Barəsində yayılan yazılar barədə hələlik heç bir mövqe bildirməyəcək.
“Hər şeyin zamanı var. Mən rəhbərliklə görüşəcəm və lazım gəldiyi təqdirdə konfrans keçirililəcək. Lakin həhəlik mövqe bildirmək üçün tezdir”-Ceyhun Əliyev bildirib.

Ukraynada ali təhsil müəsisələrindən birinin tələbəsi Nəriman Süleymanov sosial şəbəkədə yazdığı bir statusda , “Bakıkart”ın üzərində olan fotonun ona məxsus olduğunu, lahiyəsinin oğurlandığını bildirib.

Tələbə iki il öncə çəkdiyi fotonu paylaşaraq bildirib ki,"bu gördüyünüz yeni istifadəyə verilmiş "Bakı kart"dır. Sağdakı gördüyünüz kartın üzərindəki şəklin dizaynı isə mənə məxsusdur. İki il öncə hazırlamışdım. Xəbərim olmadan şəkil kartın üzərində çap olunub və icazə olmadan şəklə dəyişiklik edib "Heydər Əliyev Mərkəzini" də əlavə ediblər. Bu da şəklin originalı. Fikirləriniz..”- deyə N. Süleymanov yazıb.
"Bakıkart" avqust ayının 8-i yeraltı və yerüstü nəqliyyatda vahid ödəniş kartı kimi istifadə edilməyə başlayıb.

Qeyd edək ki, sözügedən xəbəri ilk olaraq Ölkə.Az yaymışdı.

Ölkə.Az