Dünyada anaların vəziyyətinə dair

Dünyada anaların vəziyyətinə dair reytinq açıqlanıb.

Bu barədə Qırğızıstan Strateji Tədqiqatlar Milli İnistitutu (NİSİ) məlumat yayıb.

Anaların vəziyyətinə dair reytinq anaların sağlamlıq vəziyyəti, təhsil, iqtisadi rifah səviyyəsi nəzərə alınmaqla hazırlanıb.

Bundan başqa, reytinq ana və uşaqlar üçün ideal hesab olunan və ya onların daha çox çətinliklə üzləşdiyi ölkələr də nəzərə alınmaqla tərtib olunub.

Bu gün bu reytinq şəhərlərdə zəng və kasıb arasında sağlamlıq barəsində bərabərsizliyin ən yeni və geniş analizini təqdim edir.

Hesabata görə, kasıb şəhər uşaqlarının ölmək ehtimalı zəngin şəhər uşaqlarının vəfat etmək ehtimalından iki dəfə çoxdur.

“Hər gün 17 min uşaq beş yaşına çatmamış ölür. Hətta bəzi ölkələrdə ölən uşaqların sayı 3-5-ə qədər artıb” - Strateji Tədqiqatlar Mərkəzinin yaydığı hesabatda deyilib.

Uşaqlar və analar üçün ən ideal hesab olunan ölkələrin onluğuna Norveç, Finlandiya, İslandiya, Danimarka, İsveç, Niderlandlar, İspaniya, Almaniya, Avstraliya, Belçika daxil olub.

Reytinqdə ən pis şəraitə malik olan ölkələrin onluğuna isə Haiti, Syerra Leon, Qvineya, Bissau, Çad, Kot-d'İvuar, Qambiya, Niger, Mali, Mərkəzi Afrika Respublikası aid olub.

Bundan başqa, reytinqdə MDB ölkələr üzrə də statistika yer alıb:

Belə ki, MDB ölkələrindən Belarus 25-ci, Rusiya -56 Qazaxıstan -58, Ukrayna – 69, Gürcüstan – 86, Azərbaycan – 90, Türkmənistan – 99, Qırğızıstan – 107, Özbəkistan – 118 , Tacikistan – 127-ci yerdə qərarlaşıb.

Onu da əlavə edək ki, 2014-cü ildə Qırğızıstan reytinqdə dünyanın 178 ölkəsindən 108 yeri tuturdu.oxu.az

Ölkə.Az