Tinder-də oğlanlarla tanış olub “AzDrama”ya dəvət edirlər

Azərbaycan Dövlət Akademik Milli Dram Teatrı adından dələduzluq edilib.

OLAY yazır ki, bu barədə İT mütxəsəssisi Rəşad İbrahimov feysbuk hesabında paylaşım edib. O, saxtakarlıqla məşğul olanların “Tinder” sosial şəbəkəsində teatrın rəsmi veb səhifəsinə bənzər ikinci bir səhifə açdıqlarını və bilet adıyla insanların pulunu mənimsədiklərini deyib.

““Tinder” sosial şəbəkəsində müxtəlif xanım adları ilə profillər açaraq əks cinsin nümayəndələrinə tanışlıq məqsədilə yazırlar. Tanışlıq baş tutduqdan sonra isə “AzDrama”ya aid saxta keçidi göndərərək tamaşaya “birlikdə gedək adı ilə” bilet almasını istəyirlər. Vətəndaş kart məlumatlarını götürür və kartda olan vəasitləri mənimsəyirlər. Keçidi yoxladım, mütəmadi olaraq yenilənir və həmişə olduğu kimi dələduzlar Azərbaycanda deyil.

Ən gülməli tərəfi isə ondan ibarətdir ki, “AzDrama”nın rəsmi veb səhifəsinin nüsxəsini çıxarıb tərcümə edib saxta veb səhifə yaradıblar” - deyə o bilidirib. 

Teatrın mətbuat xidmətinin rəhbəri Cavid Zeynallı qeyd edib ki, sözügedən saytın deaktiv olunması barədə Azərbaycan Rəqəmsal İnkişaf və Rabitə Nazirliyinə müraciət olunub.