Mətn ölçüsü:
  • 100%

"TuranBank" özünüməşğulluq proqramına dəstək olmağa davam edir - FOTO

Uğurla davam edən özünüməşğulluq proqramına dəstək olaraq "TuranBank" ASC sosial müdafiəyə xüsusi ehtiyacı olan işsiz şəxslərə, aztəminatlı ailələrə, məcburi köçkünlərə, qazilərə əvəzsiz olaraq vəsaitlər, avadanlıq verilməsi istiqamətində fəaliyyətini davam etdirir. Belə ki, Ağdam rayonundan Əliyev Fuad, Tərtər rayonundan Abbasova Əfsanə, Babayev Süleyman, Balacayev Xaliq, Bayramov Ramil və Bayramov Səxavət heyvandarlıq təsərrüfatlarını qurmaq üçün mal-qara və yemlə təmin ediliblər.

Xatırladaq ki, sözügedən dəstəyi 11 mart 2020-ci il tarixində ölkə prezidentinin həssas əhali qruplarının özünüməşğulluğunun təşkilinə və ölkədə fəaliyyət göstərən banklar tərəfindən köməklik göstərilməsi ilə bağlı sosial məsuliyyətin bölüşdürülməsi təşəbbüsünə dəstək vermək məqsədilə Əmək və Əhalinin Sosial Müdafiəsi Nazirliyi, Azərbaycan Mərkəzi Bankı və "Azərbaycan Banklar Assosiasiyası" İctimai Birliyi arasında həssas əhali qruplarının özünəməşğulluğunun təşkilinə köməklik göstərilməsi sahəsində əməkdaşlığa dair imzalanan Memoranduma əsasən "TuranBank" həyata keçirir.

Bütün proqram iştirakçılarını təbrik edir və gələcək işlərində uğurlar arzulayırıq!

"TuranBank"

Bizimlə etibarlıdır ...