Ağdamın Bayramlar kəndindəki erməni taburu məhv edildi

Ordumuzun bölmələri Ağdamın Bayramlar kəndini ermənilərdən azad edib.

Ölkə.az-a Ağdam rayonundan verilən xəbərdə bildirilir ki, rayonun Çıraqlı kəndindən 2 km məsafədə yerləşən Bayramlar kəndi ermənilərdən azad edilib.

Qarabağa ezam olunmuş müxbirimizin verdiyi məlumata görə hazırda Azərbaycan Silahlı Qüvvələrinə aid döyüş helikopterləri həmin kəndin üzərində rahatlıqla uçurlar. Düşmən tərəfin müqavimətinin tam sındırıldığı bildirlir. Əldə olunan kəşfiyyat məlumatlarına görə, erməni əsgərləri işğal olunmuş ərazilərimizdəki postları bir-birinin ardınca tərk edərək qaçırlar.

Qeyd edək ki, az öncə Müdafiə Nazirliyinin mətbuat şöbəsinin müdiri Vaqif Dərgahlı ilə bu xəbərlə bağlı əlaqə saxladıq, o, xəbəri nə təsdiq nə də təkzib etdi.

Ölkə.az