Şamil Tağıyev ÜAK-ın Moskva üzrə nümayəndəliyinin icraçı direktoru təyin olundu

Bu ildən Rusiya Federasiyasında Azərbaycan diaspor həyatında yaxından iştirak edən Şamil Tağıyev Ümumrusiya Azərbaycan Kongresinin (ÜAK) Moskva nümayəndəliyinin icraçı direktoru təyin olunub

Bu barədə Ölkə.Az-a Azərbaycan-Slavyan Gəncləri Assosiasiyasının Rusiya nümayəndəliyinin rəhbəri Toğrul Allahverdili məlumat verib.

İctimai fəaliyyətini ÜAK-ın gənclər təşkilatının tərkibində başlayan Şamil Tağıyev, daha sonra Azərbaycan Mədəniyyətinin İntibah və İnkişaf fondunun təsisçisi kimi ictimai işini davam etdirib. Fond Rəhbəri Rusiyada fəaliyyət göstərən Rusiya Azərbaycan Gənclər Birliyi, “Şəhriyar” Ədəbi Bədii Cəmiyyəti, “Azərbaycan Slavyan gənclər birliyi”nin Rusiya nümayəndəliyi,“Əhli-Beyt” İslam Cəmiyyəti, “AmorNews” informasiya portalı, “İnterAz” Televizyası və digər Azərbaycan diaspor təşkilatları ilə yanaşı, Rusiyada qeydə alınmış digər millətlərin diaspor təşkilatları ilə də yaxından əməkdaşlıq edib.

Azərbaycan mədəniyyətinin Rusiya məktəblərində təbliği, AMİİ-fondunun tərkibində bazar günü məktəblərinin təşkili və Azərbaycan dili və ədəbiyyatı, Azərbaycan tarixi, Rus dili və başqa fənlərin tədrisi, “Müstəqillik Kuboku” futbol turnirinin təşkilatçısı kimi çıxış edən Şamil Tağıyev Azərbaycan mədəniyyətinin, tarixinin Rusiya Federasiyasında yayılmasında və tanınmasında daha onlarla lahiyələrin və görüşlərin təşəbbüskarı olub.

Açıqlamasında Şamil Tağıyev bildirib ki, ÜAK-ın Moskva nümayəndəliyi olaraq həmyerlilərimizin Rusiya cəmiyyətinə inteqrasiası və Rusiya Federasiyasının ictimai, siyasi və iqtisadi həyatında daha yaxından iştirak etməsi üçün yeni lahiyələrə start veriləcək.

“Azərbaycanlıların səsi artıq dövlət Dumasından, siyasi partiyalardan, yüksək vəzifələrdən gəlməlidir”,-deyə Ş.Tağıyev qeyd edib.

Ölkə.Az