Ölkə.Az yazdı, Saatlının İcra Hakimiyyəti kəndlilərin problemini həll etdi

Saatlı İcra Hakimiyyəti Azadkənd sakinlərinin problemini həll etdi

Saatlı rayonunun Azadkənd sakinlərinin qrunt su problemləri barədə Ölkə.Az-da dünən "Saatlı İcra Hakimiyyəti kənd sakinlərinə söz verdi, tutmadı — ŞİKAYƏT" başlıqlı yazısından sonra bu gün kənd sakinlərinin problemi öz həllini tapıb.

Kənd sakinlərinin Ölkə.Az-a verdiyi xəbərə görə, bu gün səhər saatlarında Saatlı rayon İcra Hakimiyyəti kəndə ekskovator göndərərək balıq vətəgəsinin qarşındakı bəndi uçurdub. Bəndin uçurulması o deməkdir ki, artıq kəndin qrunt və çıxar suları əkin sahələrini basmayacaq və kənd sakinləri əkinlərdən istədiyi məhsulu götürə biləcək.

Qeyd edək ki, Ölkə.Az Azadkənd sakinlərinin problemləri barədə ""Torpaq Siracəddin", "balıq Bəhram" və Saatlının ruzisiz qalmış kəndliləri", "İcra hakimiyyəti kənd sakinlərini hədələdi — Saatlıdakı qalmaqal böyüyür", "Saatlıda məmur özbaşınalığı davam edir" və "Saatlı İcra Hakimiyyəti kənd sakinlərinə söz verdi, tutmadı — ŞİKAYƏT" başlıqlı yazılar dərc edib.

Səxavət Məmməd
Ölkə.Az