Azərbaycanlı modelyer Çində mükafat aldı

Modelyer, sənətşünaslıq üzrə fəlsəfə doktoru Gülnarə Xəlilovanın yeni kolleksiyası Çinin Urumçi şəhərində keçirilmiş “İpək yolu” IV Avrasiya Beynəlxalq Geyim Festivalının mükafatı ilə təltif olunub

Ölkə.Az xəbər verir ki, bu barədə modelyerin Milli Geyim Mərkəzinin mətbuat xidmətindən deyiblər.

“Bakı-2015” I Avropa Oyunlarına həsr edilmiş milli geyimlərdən ibarət kolleksiya nüfuzlu "Master Exibition & Performance Award" mükafatına layiq görülüb.

25 geyimdən ibarət kolleksiyanın nümayişində çinli modellər iştirak ediblər. Kolleksiyanın nümayişi Çin KİV-ində də geniş işıqlandırılıb.

Festivalda Çin, Rusiya, Özbəkistan, Gürcüstan, Qazaxıstan, Qırğızıstan və digər ölkələrdən olan dizaynerlər iştirak ediblər.

Xatırladaq ki, bu kolleksiya Azərbaycanın Böyük Britaniyadakı səfirliyinin dəstəyi, Heydər Əliyev Fondunun I Avropa Oyunları Təşkilat Komitəsi ilə birlikdə təşkil etdiyi ilk Avropa Oyunlarının təqdimatı çərçivəsində cari ilin aprelində Londonda təqdim olunmuşdu.

Qeyd edək ki, G. Xəlilova "Master Exibition & Performance Award" mükafatına ardıcıl iki ildir layiq görülür. Dizayner ötən il təqdim edilən 3 kolleksiyaya - "Emosiyaların partlayışı", "İlham", "İlmələrin sehri"nə görə mükafat almışdı. (axsam.az)

 

Ölkə.Az