Şəhidlərimizin dəfnindən görüntülər
Ermənistan ordusunun kəşfiyyat-təxribat qrupları cəbhə xətti boyunca qoşunların təmas xəttini keçmək cəhdinin qarşısını alarkən şəhid olan hərbçilərin daha üçü torpağa tapşırılıb.
Ötən gün düşmənin həmləsini dəf edərkən şəhid olan əsgər, 19 yaşlı Əli Rəhimovun cənazəsi doğulduğu Masallı rayonuna gətirilib. Dəfn mərasimində əsgərin xidmət etdiyi hərbi hissənin zabit və əsgər heyəti, Masallı rayon İcra Hakimiyyəti, hüquq-mühafizə orqanlarının nümayəndələri, habelə kənd sakinləri və rayon ictimaiyyətinin nümayəndələri iştirak ediblər.
Əli Rəhimov bir il öncə hərbi xidmətə çağırılıb. Əsgərin nəşi doğma kəndləri olan Köçəkli kənd qəbirsanlığında torpağa tapşırılıb.
Cəbhə xəttində şəhid olan Xaçmaz rayon sakini, 18 yaşlı Mustafa Əlicoşqunov axşam saatlarında yaşadığı Yeni Həyat qəsəbəsində torpağa tapşırılıb. Dəfn mərasimində Müdafiə Nazirliyinin nümayəndələri, Xaçmaz Rayon İcra Hakimiyyətinin nümayəndələri ,rayon hüquq mühafizə orqanlarının rəhbərliyi və rayon ictimaiyyəti iştirak edib.
Cəbhə xəttində düşmənin hücumunu dəf edərkən şəhid olan 19 yaşlı Abdinov Hüseyn Etibar oğlu Sumqayıt şəhər Şəhidlər Xiyabanında dəfn olunub.
Yaylımatəşindənsonra şəhid torpağa tapşırılıb.
Dəfnmərasimində şəhidinyaxınları və qohumları ilə yanaşı baş nazirin müavini, Yeni Azərbaycan Partiyasının sədr müavini - icra katibi Əli Əhmədov, Sumqayıt şəhər İcra Hakimiyyətin başçısı Eldar Əzizov, millət vəkilləri, ictimaiyyət nümayəndələri və şəhidin xidmət etdiyi hərbi hissənin təmsilçiləri iştirak ediblər.
Ölkə.Az
