Şikayətçilər İsmayıl Ömərovdan üzr istədilər

"Biz - Babayev Elçin Zülfüqar oğlu, Həsənov Mehdi Vaqif oğlu və Mikayılov Ədalət Dövlət oğlu ilə birlikdə mərhum Ömərov Ələsgər Abbas oğlu və onun böyük qardaşı Ömərov İsmayıl Abbas oğlunun tikinti biznesində iş birliyi və bəzi narazılıqlar barədə şikayət məktubu yazmışdıq. Bizim yazdıqlarımız  sizin qəzetin 20 dekabr 2014-cü il tarixli sayında dərc olundu və demək olar ki, bütün saytlar həmin məqaləni elə həmin gün yaydılar. Lakin bir qədər sonra biz şəxsən Ömərov İsmayıl Abbas oğlu ilə görüşdük və o, bizə bu məsələlərdən tamamilə xəbərsiz olduğunu tam bir səmimiyyətlə bildirdi. Biz onun adını şikayət məktubumuzda hallandırmaqla yanlış hərəkət etdiyimizi başa düşdük. Ömərov İsmayıl Abbas oğlu bizdə təmiz, ədalətli şəxsiyyət və nüfuzunu qoruyan bir insan təəssüratı yaratdı.

 

Bu məktubu yazmağa bizi heç kim məcbur edə bilməzdi. Lakin təmiz bir insan barəsində yanlış məlumat verməyimiz bizi bir insan kimi çox narahat etdi və daxili varlığım məni bu məktubu yazmağa məcbur etdi. 

 

Həmin şikayət də Ömərov İsmayıl Abbas oğlu barədə yanlış məlumatdır (araşdırma aparılmadığından). Biz Ömərov İsmayıl Abbas oğlundan üzr istəyir və qəzetinizdə bu barədə təkzib verməyinizi xahiş edirik.

 

Güman edirik ki, Ömərov İsmayıl Abbas oğlu özünün ağsaqqallığına görə bizi bağışlayar".