AzQAC-ın Xankəndiyə göndərmək istədiyi ərzaq yükünün dayandığı Ağdam-Xankəndi yoluna işıq çəkilib
Ağdam-Əsgəran-Xankəndi avtomobil yoluna elektrik enerjisi verilib.
APA-nın Qarabağ bürosu xəbər verir ki, uzunluğu 1500 metr olan elektrik xəttinin çəkilişi başa çatıb. Azərbaycan Qızıl Aypara Cəmiyyətinin Xankəndiyə göndərmək istədiyi ərzaq yüklərinin dayandığı əraziyə elektrik xətti 110/35/10 Kv-luq Ağdam-2 yarımstansiyasından çəkilib.
Qeyd edək ki, Azərbaycan Qızıl Aypara Cəmiyyəti (AzQAC) tərəfindən Qarabağda yaşayan erməni sakinlərin ehtiyaclarını qarşılamaq üçün Bakıdan göndərilən ərzaq yüklü avtomobil karvanı artıq 4 gündür ki, Ağdam-Əsgəran-Xankəndi avtomobil yolunda gözləyir.
