Snop Doqdan Azərbaycanın ərazi bütövlüyünə hörmətsizlik - FOTO
Amerikalı reper Snop Doq Azərbaycanın ərazi bütövlüyünə hörmətsizlik edib.
Ölkə.Az xəbər verir ki, 23 sentyabrda Ermənistanın paytaxtı İrəvanda konsert verməyə hazırlaşan reper instaqram səhifəsində bu sözləri yazıb:
“Mənim sevimli erməni xalqım. Mən sizi düşünürəm və Ermənistandakı, Artsaxdakı və dünyanın hər yerindəki bütün erməni xalqına sevgilər göndərirəm. Mən sevgi və sülh gətirirəm və hər kəsə güc diləyirəm. 23 sentyabrda gəlirəm”.
O, qondarma respublikada “check in” edib və “Artsax”ı ayrı bir respublika kimi qeyd edib.
Tanınmış texnobloger Fərid Pərdəşünas hesab edir ki, onun bu hərəkəti təşkilatçıların işidir:
“Elton Jhon”, “Cardi B” də belə addımlar atıb, sonradan xəbər tutanda üzr istəmişdilər. Ümumiyyətlə, qarşı tərəf bu düşmənçiliyi idmana, incəsənətə, hər yerə qatdı. Sonra deyirlər ki, bizim humanitar yükdə niyə 44 rəqəmi vardı?! Qarşı tərəf belə şeylər edəndə daha betəri də olmalıdır.
Təsəvvür edin, “Imagine Dragons” çıxır deyir ki, “Qarabağ Azərbaycandır!” Bizim təşkilatçılar belə şey etməz. Biz özümüzə hörmət edirik. Ümumiyyətlə, sənətçilər dillərini dinməz yerlərində qoyub, oxumalıdırlar. Çünki hər iki ölkədən onları sevənlər var. Düşünürəm ki, “Snopp”un duet ortağı Aygün Kazımova zəng edib ona məsələni izah edər”.
Qeyd edək ki, Xalq artisti Aygün Kazımova 2013-cü ildə Snop Doqla “Coffee from Colombia” adlı sinql çıxarıb.
Billurə
