Bakıda şirkətin direktorunun müavini barəsində QƏRAR
Mətn ölçüsü:
  • 100%

Bakıda şirkətin direktorunun müavini barəsində QƏRAR

Ali Məhkəmədə əmək mühafizəsi qaydalarını pozmada təqsirləndirilən Xəyal Qasımovun (şərti) barəsindəki hökmdən verilən kassasiya şikayəti üzrə məhkəmə iclası başa çatıb.

Pravda.az-ın əldə etdiyi məlumata görə, hakim Ələsgər Novruzovun sədrliyi ilə keçirilən prosesdə qərar elan olunub.

Qərara əsasən, şikayət təmin edilməyib.

İttihama görə, Xəyal Qasımov paytaxt ərazisində tikinti şirkətlərinin birinin direktor müavini vəzifəsində çalışır.

Belə ki, 2022-ci il tarixdə, saat 09 radələrində MMC-də mexanik vəzifəsində işləyən zərərçəkmiş Əbdül Məmmədov (şərti) həmin qovşaqda beton istehsalı zamanı üzərində tikinti materiallarının hərəkətini təmin edən üfüqi konveyrin baraban və lentinin arasında olan qum topasını təmizləmək üçün taxta parçasını sol əli ilə baraban və lentin arasına salıb. Bu zaman onun əli baraban və lentin arasında qalaraq əzilib.

İstintaq dövründə Xəyal Qasımovun barəsində Cinayət Məcəlləsinin 162.1-ci (Texniki təhlükəsizlik və ya əmək mühafizəsinin başqa qaydalarına riayət edilməsi vəzifəsi həvalə edilmiş şəxs tərəfindən bu qaydaların pozulması nəticəsində ehtiyatsızlıqdan insan sağlamlığına ağır) maddəsi ilə ittiham irəli sürülüb və başqa yerə getməmək haqqında iltizam qətimkan tədbiri seçilib.

Nizami Rayon Məhkəməsinin hökmü ilə o, qazancının 20 faizi məbləğində pul dövlət nəfinə tutulmaqla 2 il müddətinə islah işləri cəzasına məhkum edilib. Bakı Apellyasiya Məhkəməsi şikayəti təmin etməyib.