Azərbaycan Prezidenti dedi və etdi, erməniləri girovluqdan xilas etdi - AÇIQLAMA

“Azərbaycan odusunun sentyabrın 19-da həyata keçirdiyi antiterror tədbiri beynəlxalq praktikada görünməmiş bir hadisə idi. Birincisi, beynəlxalq praktikada  sülhməramlı missiyanın nəzarətində olan bölgədə antiterror tədbirlərinin keçirilməsi faktı demək olar yoxdur. İkincisi, antiterror tədbirinin çox qısa zaman ərzində ən yüksək peşəkarlıqla heç bir  mülki insana və obyektə zərər vermədən keçirilməsi beynəlxalq praktikada çox az rast gəlinən hadisədir.  Bir sözlə Azərbaycan ordusu 44 günlük müharibədə olduğu kimi ən müasir hərb texnologiyasından istifadə etmək bacarığını və peşəkarlığını, gücünü nümayiş etdirməklə adını müasir dünyanın hərb tarixinə adını qızıl hərflərlə yazmış oldu. Müasir hərb elmi Azərbaycanın bu praktikasını dərindən öyrənəcək”.

Bunu “Ölkə.Az”a açılamasında deputat Məlahət İbrahimqızı deyib.

Onun sözlərinə görə, ordumuz belə möhtəşəm qələbələrə ancaq və ancaq Müzəffər Ali Baş Komandanın  Azərbaycan ordusunun gücləndirilməsi istiqamətində həyata keçirdiyi məqsədyönlü siyasəti  nəticəsində mümkün olub.  “İkinci Qarabağ savaşından sonra cənab Ali Baş Komandan İlham Əliyev Azərbaycan ordusunun  peşəkar ordu kimi formalaşması istiqamətində təxirəsalınmadan həyata keçirdiyi siyasət bu gün öz bəhrəsini verdi. Məhz bunun nəticəsi idi ki, Azərbaycan ordusu Ali Baş Komandanın tapşırıqlarını 24 saata ən yüksək səviyyədə yerinə yetirib düşməni diz çökdürüb ağ bayraq qaldırmağa məcbur etdi”- o qeyd edib.
O əlavə edib ki,  dünya birliyi bir daha Azərbaycanın necə müdrik, uzaqgörən, qətiyyətli liderinin olduğuna şahidlik etdi: “Bu gün biz doğrudan da xoşbəxt xalqıq ki, bizim belə bir qətiyyətli, cəsarətli, müdrik liderimiz var. Elə bir lider ki, xalqı üzləşdiyi ən mürəkkəb, çətin vəziyyətlərdən və situasiyalardan çıxarıb, problemlərini həll etmək qabliyyətinə malikdir. 24 saatlıq lokal və məhdud şəraitdə keçirilən antiterror tədbriləri bir daha Azərbaycanın dünyadakı gücünün nümayişi ilə yanaşı, onun  beynəlxalq aləmdə nüfuzunun möhkəmlənməsinə xidmət edir. Çünki cənab Prezidentin yürütdüyü müdrik siyasət nəticəsində Ermənistan təklənmiş vəziyyətə düşdü. Ona havadarlıq edən ölkələr ondan əlini çəkdi və heç bir dəstək vermədi. Bütün bunlar ancaq cənab Prezidentin uzaqgörən, qətiyyətli siyasəti nəticəsində mükün olub. 

Təsəvvür edin 100 il bundan əvvəl bünövrəsi qoyulan Qarabağ problemi cənab Prezidentin yürütdüyü bu müdrik siyasəti nəticəsində final mərhələsinə qədəm qoyub həllini tapır. Artıq bölgədə region ölkələri arasında yeni bir münasibətlər və əməkdaşlıq, inkişaf  mərhələsi başlayır.

Hesab edirəm ki, artıq ən yaxn zaman çərçivəsində Ermənistanla sülh sazişi imzalana bilər.  Cənab Prezident də bəyan edib ki, sülh sazişi ilə bağlı demək olar  əksər məsələlərdə razılıq var. Bakının təklif etdiyi şərtlər əsasında sülh sazişin imzalanması üçün elə bir maneə yoxdur.
Qarabağdakı erməni icmasının gələcək taleyi ilə bağlı məsələyə gəldikdə  bur artıq Azərbaycanın daxili məsələsidir və Azərbaycan bu məsələni ən yüksək səviyyədə həll edəcək. Azərbaycan vətəndaşlığını qəbul edən Qarabağdakı ermənilərin təhlükəsizliyi ən yüksək səviyyədə təmin olunacaq və onlar qanunvericiliyin onlara verdiyi bütün imkanlardan faydalana biləcəklər. Artıq bu proses başlayıb və ümid edirəm ki,  ən yaxın vaxtlarda məsələ öz müsbət həllini tapacaq. Azərbaycan Prezidenti verdiyi sözü ən yüksək səviyyədə  yerinə yetirəcək və dünya birliyi bunun da şahidi olacaq. Ən qısa zamanda Ağdərə, Xocavənd. Xocalıda və Xankəndidə  sürətli inkişafın şahidi olacağıq.

Onu da qeyd edim ki.  Azərbaycan tərəfi dəfələrlə bəyan etdi ki,  günün birində orada yaşayan erməni icmasını terrorçuların girovluğundan azad edəcək və etdi də... İndi onlar bundan sonra azad və normal həyatlarını istədikləri kimi davam etdirə bilərlər. Onlar istərlər vətəndaşlığımız qəbul edib ölkəmizdə yaşarlar. İstəməzlərsə seçimlərində azaddırlar. İstədiyi ölkəyə gedə bilərlər”.

Mürtəza
Ölkə.Az