Gömrük deklarasiyasının yeni qaydaları təsdiq edilib

Yeni qaydalar cari ilin noyabr ayının 1-dən qüvvəyə minəcək.

Noyabrın 1-dən Azərbaycanda gömrük sərhəddini keçən mallar və nəqliyyat vasitələri üçün yeni deklarasiya qaydaları qüvvəyə minəcək.

Ölkə.Az Abc.az-a istinadən xəbər verir ki, qaydalar Nazirlər Kabinetinin 2014-cü il 22 iyul tarixli 263 nömrəli qərarı ilə təsdiqlənib. Yeni qaydalar idxal və ixrac edilən mallara və nəqliyyat vasitələrinə aiddir.

Qeyd edək ki, ölkə ərazisinə idxal zamanı gömrük deklarasiyası 15 gün ərzində, bəzi mallar və üç və ya üç dəfədən çox çatdırılma zamanı 30 gün ərzində həyata keçirilməlidir.

Ölkə.Az