Ermənistan vaxtı uzatdıqca hələ çox itirəcək - AÇIQLAMA

“Bu gün Azərbaycanın möhtəşəm və tarixi bir qələbəyə imza atmasına şahidlik edirik. Nəhayətində bu gün Xankəndidəki qondarma rejimin tör-töküntüləri özlərini buraxmaqla Azərbaycan Qarabağ üzərində də öz suveren hüquqlarını təmin edib, yüzillik bir separatizm yuvası ləğv edildi. Azərbaycan xalqına xəyal etdiyi və hələ də inana bilmədiyi belə bir qələbəni cənab Prezident İlham Əliyev bəxş etdi. Məhz onun yürütdüyü düzgün, uzaqgörən, qətiyyətli siyasət nəticəsində  Azərbaycan tarixinə son iki yüz ildən artıq müddətdə 44 günlük müharibədən sonra yazılacaq ikinci qələbəsi oldu”. 

Bunu “Ölkə.Az”a açıqlamasında deputat Məlahət İbrahimqızı deyib.

Onun sözlərinə görə, 44 günlük müharibə Azərbaycanın ərazi bütövlüyünün təmin olunmasını təmin etdisə, 19 sentyabrdakı 24 saatlıq lokal antiterror tədbriləri isə ölkə ərazisində suveren hüquqlarını təmin etdi. 

“44 günlük maharibədə Ermənistanı ağır məğlubiyyətə uğratmasına və iqtisadi, hərbi cəhətdən ondan qat-qat üstün olmasına baxmayaraq bölgədə dayanıqlı sülhün, sabitliyin, sıx əməkdaşlığın yaranması məqsədi ilə Ermənistana sülh əlini uzatdı. Lakin bu sülh əli geri qaytarıldı. Bakının dəfələrlə xəbərdarlıqlarına baxmayaraq erməni tərəfi sülhü pozmaq üçün ən müxtəlif təxribatlara əl atdı və sonuncu təxribat 19 sentyabrda baş verdi. Mina terroru nəticəsində  Azərbaycan polisləri və mülki insanlar həlak oldu”, - o qeyd edib.

Deputat əlavə edib ki, erməni tərəfi Bakının Qarabağ oyununun bitməsi ilə bağlı verdiyi mesajlardan nəticə çıxarmadı və nəticəsi də ortada: “Azərbaycan antiterror tədbirlərini həyata keçirməklə Qarabağdakı bütün terrorçu və qanunsuz hərbi birləşmələrini cəmi 10-15 saata ağ bayraq qaldırmağa vadar etdi. Onlar Azərbaycan ordusunun “Dəmir yumruğu”nun qarşısında duruş gətirə bilmədilər və bütün şərtləri qəbu etməli oldular. Xankəndidəki qondarma rejimin ünsürləri yaxşı anladılar ki, Bakı ilə oyun oynamaq hansı acı sonluqla nəticələnir. Bakının qətiyyətli mövqeyi qarşısında tab gətirə bilməyəcəklərini, o cümlədən Azərbaycana qarşı cinayət törədənlərin, ən sonuncusu Ruben Vardanyanın saxlanmasından qorxuya düşərək qanunsuz rejimi buraxmaq  məcburiyyətində qaldılar. Başa düşdülər ki,    Bakının şərtlərini yerinə yetirməkdən başqa yol yoxdur. Bakı da onlara başqa variant üçün şans da verməmişdi. Ya şərtləri qəbul etməli idilər, ya da Vardanyan kimi əlləri qandallanacaqdı. Onlar da çıxış yolunu təslim olub özlərini tamamilə qanunsuz elan etməkdə gördülər. Bu, təkcə ermənilər üzərində deyil, həm də onların havadarları üzərində böyük bir qələbə idi. Əminəm ki, Ermənistan bu reallıqdan nəticə çıxarıb vaxt itirmədən Azərbaycanla sülh sazişini imzalayacaq. Ermənilər artıq anlamalıdırlar ki, vaxt uzatmaqdan itirən tərəf onlardır. Əgər  havadarlarının dediklərinə qulaq asmayıb Bakının şərtləri əsasında indiyədək sülhü imzalasaydılar, belə acı reallıqla üzləşməyəcəkdilər. Ermənistan sülh sazişinin imzalanması prosesini  uzatıqca hələ çox itkilərə məruz qalacaq. Anlasınlar ki, Azərbaycanla oyun oynamaq onlara necə baha başa gəlir”.

Mürtəza
Ölkə.Az