Qarabağ haqqında 5 dildə sayt hazırlanıb

Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə "Düşüncə" Gənclərin İnkişafına Dəstək" İctimai Birliyi Ermənistan-Azərbaycan, Dağlıq Qarabağ münaqişəsi ilə bağlı həqiqətləri dünya ictimaiyyətinə çatdırmaq məqsədilə Azərbaycan, rus, ingilis, alman və fransız dillərində sayt (www.dailykarabakh.com) hazırlayıb.

Şuranın mətbuat xidmətindən verilən məlumata görə, informasiya resursunun təqdimatı 22 sentyabr 2015-ci il, saat 12:00-da "Park İnn" hotelinin “Dan ulduzu” zalında təşkil olunacaq.

Tədbirdə millət vəkilləri, xarici ölkələrin Azərbaycandakı səfirliklərinin nümayəndələri və ictimai-siyasi xadimlər iştirak edəcəklər.

Ölkə.Az