İsrailin Azərbaycandakı səfiri xalqımıza təşəkkür etdi - FOTO

İsrailin Azərbaycandakı səfiri Corc Dik ölkəsindəki müharibə ilə əlaqədar göstərilən mənəvi dəstəyə görə Azərbaycan xalqına təşəkkür edib.

Ölkə.Az xəbər verir ki, diplomat özünün X səhifəsində İsrailin Bakıdakı səfirliyi qarşısında ölənlərin xatirəsinə qoyulan çiçəklərin fotosunu paylaşıb:

"Bu səmimi dostluq jestinə görə Azərbaycan xalqına təşəkkür edirəm.

Sevgi mesajları seli, səfirliyimizin qapısındakı güllər, sosial şəbəkələrdəki yazılar - bunlar tariximizin bu qaranlıq vaxtında bizə güc verir. Çox sağ olun. Biz qalib gələcəyik", - deyə o qeyd edib.

Qeyd edək ki, oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.
İsrailin baş naziri Binyamin Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanır.

Billurə Yunus

Thank you to the Azerbaijani people for this heartfelt gesture of friendship ??❤️??

The flood of messages of love, the flowers at our embassy’s gate, the posts on social media - these give us strength in this dark hour of our history. Thank you ?

We shall prevail ?? pic.twitter.com/HteQcKBkTH

— George Deek (@GeorgeDeek) October 8, 2023