İlham Əliyev mümkün olmayanları və xəyalları reallaşdıra bilən liderdir - Deputat

Prezident İlham Əliyevin Azərbaycana 20 illik rəhbərliyini qısaca belə xarakterizə etmək olar: mümkün olmayanları və xəyalları reallaşdıra bilən lider.

Bunu “Ölkə.Az”a açıqlamasında deputat Məşhur Məmmədov deyib.

Deputat bildirib ki, cənab İlham Əliyevin rəhbərliyi dövründə Azərbaycan sıçrayışlı inkişaf mərhələsini yaşayıb və xalqın xəyallarını reallaşdıraraq Ermənistanın işğalına son verərək ərazi bütövlüyünü və suverenliyini təmin edib: “Cənab İlham Əliyev Prezident seçilərkən Azərbaycanın güclü, qüdrətli, dünyada nüfuzlu, inkişaf etmiş və sosial rifah ölkəsindən biri olmasını qarşısına məqsəd qoyub və bu hədəflərə bir-bir nail olunub və olmaqdadır.

Birincisi, cənab Prezident Azərbaycanın bu hədəflərinə nail olunması üçün mövcud potensialından düzgün istifadə edilməsi məqsədi ilə siyasi, sosial, iqtisadi, ordu quruculuğu, əhalinin sosial rifah halının yaxşılaşadırılması və digər sahələri əhatə edən genişmiqyaslı kompleks islahatlar həyata keçirib.

İkincisi, Azərbaycan iqtisadiyyatının neft və qazdan asılılığını azaldaraq qeyri-neft sektorunun inkişafına nail olunması;

Üçüncüsü, neft gəlirlərinin insan kapitalına yönləndirilməsi;

Dördüncüsü, ordu quruculuğu və Azərbaycanın yeni hərbi-sənaye kompleksinin yaradılması;

Beşincisi, müasir qlobal çağırışlara çevik reaksiya verib Azərbaycanın yerləşdiyi əlverişli məqamın verdiyi imkanlardan faydalanaraq ölkəmizin təkcə enerji deyil, həm də logistik məkana çevrilməsi istiqamətində Şərq-Qərb, Şimal-Cənub, Orta Dəhliz kimi transmilli infrastruktur layihələrin reallaşdırması;

Altıncısı, dünya miqyasında tanınıb nüfuzlu ölkələrədən birinə evrilməsi üçün idman və mədəniyyət diplomatiyasından istifadə edib. Bu siyasətin nəticəsi olaraq Azərbaycan qısa zamanda dünyada idman ölkəsi kimi tanınıb və ölkəmizdə çoxsaylı beynəlxalq idman yarışları keçirilib. Bununla paralel olaraq Azərbaycan mədəniyyəti və incəsənətinin potensialından istifadə etməklə ölkəmizin dünyada yüksək mədəniyyətə sahib bir xalq kimi təqdim edilməsinə nail olunub. Bu məqsədlə Azərbaycanda beynəlxalq səviyyəli mədəniyyət tədbirləri keçirilib.
Yeddincisi, dünyanın üzləşdiyi problemlərin, xüsusən də humanitar problemlərin həll olunmasında Bakının beynəlxalq dialoq mərkəzinə çevrilməsi;

Səkkizinci, Avropanın təhıükəsizlik sisteminin daha etirbarlı şəkildə təmin edilməsi istiqamətində neftlə yanaşı, qaz, “yaşıl enerji” faktorundan istifadə etməsi. Bu məqsədlə Bakı-Tbilisi-Ərzurum, TAP, TANAP və Cənub Qaz Dəhlizi kimi layihələrin icrasıni misal çəkə bilərik. 

Doqquzuncu, Azərbaycanın beynəlxalq münasibətər sistemində mövqeyinin möhkəmlənməsi və nüfuzunun artması istiqamətində siyasətin yürüdülməsi... Bu sahədə də ən qısa zamanda uğurlar əldə edilib və gənc Azərbaycan dünyanın ən böyük beynəlxalq təşkilatı olan BMT Təhlükəsizlik Şurasına rəhbərlik edib, hazırda isə dünyanın BMT-dən sonra ikinci ən böyük təşkilatı olan Qoşulmama Hərəkatına sədrlik etməkdədir. Bundan əlavə indiyədək bir sıra regional və beynəlxalq təşkilatlara uğurla rəhbərlik edib. Bütün bunlar Azərbaycanın beynəlxalq münasibətlər sistemində mövqeyini möhkəmlənməsinə və nüfuzlu bir ölkəyə çevrilməsində müstəsna rol oynayıb və oynamaqdadır. 

Onuncusu, qlobal böhran və problemlərin aradan qaldırılmasında öz töhfəsini verməsi. Pandemiya dövründə Azərbaycan təkcə maddi cəhətdən deyil, eyni zamanda beynəlxalq aləmi bu problemin həllinə qarşı aktiv şəkildə səfərbər edilməsində misilsiz xidmətlər göstərmiş oldu.

On birincisi, dünyada xeyrimizə olmayan geosiyasi prosesləri Azərbaycanın xeyrinə dəyişmək. Məhz yürüdülən çoxşaxəli siyasət geosiyasi proseslərin Azərbaycanın xeyrinə çevrilməsinə imkan verdi. Bu sahədə də yürüdülən uğrulu siyasət öz bəhrəsini verdi və Azərbaycan qarşısında duran ən ciddi problemlərin, xüsusən də Ermənistanın işğalçılıq siyasətinə son verilməsi ilə nəticələndi. 

Azərbaycan Prezidentinin yürütdüyü uzaqgörən, qətiyyətli, çevik siyasəti nəticə etibarı ilə Cənubi Qafqazda yeni geosiyasi və geoiqtisadi reallıq yaradıb. Azərbaycan təkcə Qafqaz bölgəsində deyil, ümumiyyətlə, Avrasiya coğrafiyasında ciddi oyunçu rolunda çıxış etməkdədir və bu rol getdikcə daha da artmaqdadır. Azərbaycan Prezidentinin qısamüddətli perspektivdəki hədəflərindən biri Cənubi Qafqazın sülh, sabitlik, inkişaf və sıx inteqrasiya olunmuş əməkdaşlıq məkanına çevirməkdir. Dövlət başçısı tərəfindən yürüdülən müdrik, qətiyyətli və çevik siyasət nəticəsində yaxın gələcəkdə bölgəmizin sülh adasına çevrilməsinə heç kimin şübhəsi ola bilməz. 

Bu gün Azərbaycan nəinki Avropanın enerji təhlükəsizlik arxitekturasının təmin olunmasında xüsusi rol oynayır, eyni zamanda Avrasiya coğrafiyasının logistik xəritəsini yenidən cızır və onu müəyyənləşdirməkdədir. 

Bütün bunlar isə Azərbaycanın gücünə və qüdrətinə, dünyandakı nüfuzunun möhkələnərək qarşısındakı hədəflərə nail olunmasında əlavə güc qatıb yeni imkanlar açır. Əminəm ki, qısa zamanda cənab Prezidentin rəhbərliyi altında Azərbaycan dövləti daha da güclənib dünyanın ən inkişaf etmiş və sosial rifah ölkələrindən birinə çevriləcək. 

Onu da qeyd etmək yerinə düşər ki, Azərbaycan Prezidentinin belə bir möhtəşəm uğurlar əldə etməsində Birinci vitse-prezident Mehriban xanım Əliyevanın da müstəsna rolu olub. Birinci vitse-prezident bu çətin və şərəfli yolda daima cənab Prezidentlə çiyin-çiyinə dayanıb və əl-ələ verərək birgə mübarizə aparıblar”.  

Mürtəza
Ölkə.Az