"Mahir Ay Brat"ın məhkəməsi başladı: qərar elan olundu

Külli miqdarda qanunsuz narkotik saxlamaqda ittiham olunan meyxanaçı Mahir Qonşuyevin ("Mahir Ay Brat") cinayət işi üzrə məhkəmə iclası başlayıb.

İqtisadiyyat.az-ın əldə etdiyi məlumata görə, iş Bakı Ağır Cinayətlər Məhkəməsinin hakimi Səbuhi Hüseynovun sədrliyi ilə araşdırılır.

İlkin hazırlıq iclasının təxirə salındığı, növbəti prosesin noyabrın 14-nə təyin edilməsi barədə qərar elan olunub.
 
Qeyd edək ki, meyxanaçının saxlanılarkən üzərində metamfetamin aşkar edilib. Həmçinin onun sosial şəbəkələrdə gənclər və yeniyetmələr arasında cinayətkarlığı təbliğ edən musiqili meyxanalar paylaşdığı müəyyən edilib. Mahir Qonşuyevə qarşı Cinayət Məcəlləsinin 234.1-1 (satış məqsədi olmadan külli miqdarda narkotik əldə etmə, saxlama, daşıma) maddəsi ilə ittiham irəli sürülüb, barəsində həbs qətimkan tədbiri seçilib.