Restoranda qıza baxmaq üstündə cinayət törədildi - CƏZA
Bakı Apellyasiya Məhkəməsində qəsdən sağlamlığa ağır zərər vurmada təqsirləndirilən Sadiq Həsənovun (şərti) barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın əldə etdiyi məlumata görə, hakim Cavid Hüseynin sədrliyi ilə keçirilən prosesdə qərar elan olunub. Qərara əsasən, apellyasiya şikayəti təmin edilməyib.
Bakı Ağır Cinayətlər Məhkəməsinin hökmü ilə o, 3 il müddətinə azadlıqdan edilib.
İttihama görə, hadisə 30 dekabr 2023-cü il tarixdə, saat 05 radələrində paytaxt ərazisində yerləşən restoranların birinin qarşısında qeydə alınıb.
Belə ki, Sadiq Həsənov istirahət etmək üçün getdiyi restorandan çıxarkən həmin obyektdə digər masada əyləşmiş şəxsiyyəti istintaqa məlum olmayan və alkaqol sərxoşluğu vəziyyətində olan "Samir" adlı şəxs ona yaxınlaşıb. Həmin şəxs restoranda olarkən onunla bir masada əyləşmiş qıza baxmasını təqsirləndirilən şəxsə irad bildirib. Onların arasında mübahisə yaranıb. Bu zaman "Samir"in üzərində olan ov bıçağını çıxarıb, onu vuracağı ilə hədələyib. Lakin bıçaq onun əlindən yerə düşüb. Sadiq isə bıçağı yerdən götürüb, oradan uzaqlaşmaq istədikdə, "Samir"lə bir masada əyləşmiş zərərçəkmiş V.V.-ni (şərti) onun və ailə üzvlərinin ünvanına nalayiq ifadələr işlədib, əlində tutduğu istintaqa məlum olmayan dəmir boru parçası ilə təqsirləndirilən şəxs tərəfə gəlib. Daha sonra Sadiq Həsənov bıçağı çıxarıb, qəsdən iki dəfə zərərçəkmiş şəxsin boğaz və qarın nahiyəsindən vuraraq ona xəsarətlər yetirib. O, hadisə yerini tərk edərək Yasamal RPİ-nin 29-cu PŞ-nə gəlib, baş vermiş hadisə barədə məlumat verib.
