İlahiyyatçılar "qadın sünnəti"nə aydınlıq gətirdilər

İŞİD-in tutduğu ərazilərdə qadınları sünnət etdikləri ilə bağlı xəbərlər yayılmağa başlayıb. İslam dinində qadınları sünnət etək olarmı? Peyğəmbər dövründə sünnət məsələsi necə olub? Bu məsələyə aydılıq gətirmək üçün Əbu Bəkr məscidinin imamı Qamət Süleymanov, ilahiyatçı alim Elşad Miri Ölkə.az-da suallara aydınlıq gətiriblər.

Qamət Süleymanov: Yayılan xəbərlər şaiəyə daha çox bənzəyir. İŞİD-çilərin işləri gücləri qurtarıb ki, bunla məşğul olsunlar? Bunlar hamısı şaiyədir. Qadınların sünnəti məsələsi fərqlənir. İsti ölkələrlə soyuq ölkələrdə fərqlidir. Məhəmməd peyğəmbərin dövründə də qadın sünnəti olub, bəzi yerlərdə qadınları sünnət edirdilər. Ancaq qadınların sünnəti vacib məsələ deyil. Qadınlarda olan şəhvəti azaltmaq üçün onları sünnət edirlər. Bu məsələ geniş miqyaslı yayılmayıb. Qadın sünnəti islamdan öncə də var idi. Şəriət qadağan etmədi. Şəriətdə sünnət oğlan üçün vacibdir. Müəyən qüvvələr var ki, İŞİD haqqında şayələr yayırlar. Əvvəl dedilər guya İŞİD bəyanat verib ki, guya Kəbəni dağıdacaq ancaq sonra məlum oldu ki, yalandı. Bu xəbərdə onlar kimi dezinformasiyadır.

Elşad Miri: Əgər belə bir informasiya yayılıbsa araşdırmaq lazımdır onu. İslam dinində qadın sünnəti anlayışı yoxdur. Qadın sünnəti ərəb cəmiyyətində və bəzi qruplaşmalarda olub. İslamda qadınlar sünnət edilsin deyə nə hökm, nə qərar nədə fətva yoxdur. Qadın sünnəti Afrikada və ərəblər arasında olub və buda adət ənənədir. Qadın sünnəti Məhəmməd peyğəmbərin dövründə də olub ancaq peyğəmbərin bununla bağlı xüsusi tapşıığı olmayıb. 

Səxavət Məmməd

Ölkə.az