Aran daşqınları və Kəmaləddin Heydərovun balıq biznesi
Kəmaləddin Heydərovun nəzarətindəki "balıq rayonlarında" total yoxlamalar başlandı
İri regional layihələrin həyata keçirilməsini mərkəzdən nəzarətdə saxlamaq üçün respublikanın bölgələrinin konkret nazirlərin "kurasiyasında" olması heç kimə sir deyil.
Rayonların sosial-iqtisadi inkişafına ayrılan sərmayənin nəzərdə tutulan sahələrə yönəldilməsi və səmərəli istifadəsi üçün mütləq konkret bölgələrə təhkim olunmuş nazirlər icra başçılarının fəaliyyətinə nəzərət etməlidirlər.
Yeyinti aşkar olunan rayonun yerli icra hakimiyyətindən əvvəl, icra başçısının "kuratoru" olan nazir "falaqqaya" salınır, daha sonra isə yeyintinin həcmindən və mənimsənilən məbləğdən asılı olaraq icra başçısı cəzanlandırılır və ya büdcəyə dəyən zərər rayona cavabdeh olan nazir tərəfindən "cəriməsi" ilə birlikdə ödətdirilir.
Keçən həftə yayılan bir informasiyada Maliyyə nazirliyinin FHN başçısı Kəmaləddin Heydərovun "kurasiyasında" olan Salyan rayonunda ciddi yoxlamalara başladığı bildirildi. Nazirlik Azərbaycanın ən böyük rayonlarından biri olan Salyan rayonunun inkişafına indiyədək ayrılan vəsaitlərin hara xərcləndiyini, rayonun abadlaşdırılması zamanı işlərin necə görüldüyünü, təmir və tikinti işləri zamanı "silinmiş" pullar və görülmüş işin kefyiyyətini tutuşduraraq yoxlayacaq. Məlumata görə yoxlamalar bir aydan çox davam edəcək. Rayonda salınan istiharət parkının vəziyyəti, daxili yolların, yerüstü keçidlərin, mərkəzi küçələrin kənarındakı hasar və hörgülərin necə tikildiyi, və ya necə təmir edildiyi təftiş olunacaq.
Xatırladırıq ki, rayon icra hakimiyyətinə birbaşa dövlət büdcəsindən və prezidentin ehtiyat fondundan bütün vəsaitlər icra hakimiyyətinin nəzdindəki idarə təşkilatlara yönəldilir və hər idarə öhdəsində olan sahədə təmir, tikinti və abadlaşdırma aparır. Bundan başqa Salyan rayonu çox gəlirli balıq biznesinin mərkəzlərindən sayılır. Xəzər nərəsinin və bahalı qara kürüsünün bir vaxtlar qəpik-quruşa satıldığı Salyan rayonunun Kəmaləddin Herydərovun "kurasiyasına" verilməsi heç də təsadüfi deyil.
Ölkə.az xəbər verir ki, hazırda Salyan rayonunun icra başçısı işləyən Tahir Kərimov əvvəllər Kəmaləddin Heydərovun Azərbaycanda balıq və balıq məhsulları biznesinə nəzarət etmək üçün yaratdığı "Caspian Fish" şirkətinin idarə heyətində olub. balıq biznesinin yaxşı bilicilərindən biri sayılan Tahir Kərimov 3 il əvvəl Heydərovun keçirdiyi bir siyasi transfer əməliyyatı ilə YAP-ın seçkili orqanlarından birinə gətirilərək daha sonra Salyan rayonuna icara başçısı təyin edilib. Xatırladırıq ki, qonşu Neftçala rayonunun icra başçısı da Kəmaləddin Heydərovun kadrıdır və bu "balıq" rayonu da "fövqəlnazirin" total nəzarətinə götürülüb.
Ölkə.az-ın Monitorinq qrupunun Salyandakı yoxlama ilə bağlı apardığı araşdırmada şok detallar ortaya çıxıb. Sual oluna bilər, nəyə görə məhz bu iki rayon, Salyan və Neftçala rayonları Heydərovun kurasiyasına verilib? Onun bu rayonlara təyin etdirdiyi icra başçıları əslində nə işlə məşğuldurlar?
Apardığımız araşdırmalar zamanı məlum oldu ki, nərə balığı və kürü biznesini tam ələ keçirmək üçün Kəmaləddin Heydərov adı çəıkilən balığın hər mövsümdə Kürün məınsəbinə çıxaraq kürü qoymasının qarşısını almaq üçün çayın Xəzərlə qovuşan hissəsinə lil tökən gəmilərlə minlərlə ton qum və çınqıl çöküntüsü tökdürüb. Herydərovun çaox qazanmaq iştahası və pul hərisliyini nəticəsi olaraq isə adı çəkilən rayonlar o vaxtdan bəri hər yaz mövsümündə suyun altrında qalır. Daölarda qarın əriməsi ilə suyu qalxan Kür Xəzərə çıxışdakı "kürü maneəsinə" taxılaraq məcrasından çıxır, bəndi-bərəni yuyaraq rayonların kəndlərini, kəndlilərin əkin sahələrini və meyvə bağlarını yuyub aparır. Hər il hər iki rayonun əhalisinə milyonlarla manat zərə dəyir və günahı da təbii fəlakətin üstünə atılır. Heydərovun "kürü maneəsi" nəticəsində Ssalyan və Neftçala rayonlarında kənd təsərrüfatı tamamilə iflic vəziyyətinə düşüb. Hər iki rayonda olmuş müxbirimizin verdiyi məlumata görə, daşqının qorxusundan bu rayonlarda əhali həyətyanı sahəsini belə əkə bilmir. "Əkəcəyik, su yuyub aparacaq, ziyana düşəcəyik, toxumun, gübrənin pulunu borclu qalacağıq. Allah Kəmaləddinin evini yıxsın! Görün bu rayonların kəndlərini necə xaraba qoydu!", deyə Salyan və Neftçala əhalisi qan ağılayır.
Müxbirimiz Kürün Xəzərə qovuşduğu yerdə bir lil çəkəın gəminin qaraldığını da bildirdi. Yerli hakimiyyət orqanları gəminin Kürün qovşağını təmizlədiyini desə də, əhali əslində bunun nə oyun olduğunu gözəl başa düşür.
"Vaxt var idi balıq tuturduq, onu sataraq ailəmizi dolandırırdıq. Dədə-babadan bizim rayonların əhalisi balıqçılıqla dolanıb. İndi Kəmaləddin neynədisə Kürdən naqqa da yoxa çıxdı. Burda dolanışıq yoxdu, gənclər işləmək üçün Bakıya, imkanı olanlar isə Rusiyaya gedir. Burada tikdirdikləri isə əhaliyə ümumiyyətlə lazım deyil. Əhaliyə iş və çörək lazımdı, çörəyimizi də dediyimiz kimi Kəmaləddin müəllim birdəfəlik kəsib", rayon sakinləri müxbirimizə belə deyiblər.
Mövzuya qayıdacağıq....
Əks tərəfin mövqeyini dərc etməyə hazırıq (Redaksiya).
Ölkə.az, Monitorinq qrupu
