“ABŞ Senatının qərarı biabırçılıqdır, ikiüzlüdürlər”

ABŞ Senatının ermənilərin müdafiə qərarı Azərbaycanın müstəqil siyasət yürütməsini istəməməsidir.

Ölkə.Az xəbər verir ki, bunu deputat Ziyafət Əsgərov deyib.

“Növbəti məqam Azərbaycan Prezidentinin yürütdüyü müstəqil siyasəti qəbul etməməsi, Azərbaycanın öz torpaqlarını işğaldan azad etməsini istəməməsi, İslam dünyasına qarşı qəbul edilən sənəddir”, - Əsgərov qeyd edib.

O əlavə edib ki, beynəlxalq aləm, xüsusən də Qərb  bir dəfə də olsun 30 ildə Ermənistanın işğalçılıq siyasətinə etiraz etmədi, ona qarşı sanksiyalar qəbul etmədi, amma beynəlxalq hüquqa hörmət edib icra etdiyinə görə Azərbaycana təzyiq edir. “Bu, absurddur. ABŞ Senatının belə bir qərarını rədd edirəm və bunu ikiüzlü və riyakar siyasətinin nəticəsidir”, - o qeyd edib.

Deputat Səməd Seyidov isə bildirib ki, bu sənəddən ancaq itirən tərəf ABŞ olacaq. “Bu ABŞ-nin ikili standartının göstəricisidir. 

Bu qərar Azərbaycanın müstəqil siyasət yürütməsinə qarşıdır. 

Bütün bunlar son dərəcə eybəcər və biabırçı görünür. Azərbaycan inkişafa doğru gedəcək, Türk dünyası inkişaf edəcək və kimsə bu inkişafın və inteqrasiyanın qarşısını ala bilməyəcək”, - Səməd Seyidov qeyd edib.

Mürtəza
Ölkə.Az