Bakı Qərb platformasında danışıqlardan bu səbəbdən imtina edib - Markedonov

Ermənistan-Azərbaycan sülh müqaviləsinin təqvim ilinin sonuna qədər müzakirəsi Qafqaz gündəminin mərkəzi mövzularından birinə çevrilir. 

Ölkə.Az xəbər verir ki, bu barədə rusiyalı politoloq Sergey Markedonov bildirib.

“Leo Dokertini Bakıda qəbul edən Prezident İlham Əliyev ölkəsinin İrəvanla normallaşma və dialoqa sadiqliyini təsdiqləyib. Böyük Britaniya və Şimali İrlandiya Birləşmiş Krallığının Xarici İşlər, Birlik və İnkişaf Ofisində parlamentlə əlaqələr üzrə dövlət katibinin müavini, həmçinin Avropa və Şimali Amerika üzrə dövlət naziri Dokerti azərbayacanlı tərəfdaşlarına komplimentlərdən də yan keçməyib.

Dekortinin sözlərinə görə, “Azərbaycan olmasaydı, Avropada sülh və təhlükəsizlik olmazdı”, - Markedonov qeyd edib.

Dokertinin noyabrın 20-dən Cənubi Qafqaz bölgəsində səfərdə olduğunu xatırladaraq əlavə edib ki, keçirilən görüşün nəticəsi olaraq Azərbaycan və Ermənistan nümayəndələri noyabrın son günü iki ölkənin dövlət sərhədində delimitasiya və demarkasiya ilə bağlı görüş keçirilməsi barədə ilkin razılığa gəliblər:

“Aydındır ki, bu məsələ həll olunmadan istənilən sülh müqaviləsi formal sənəddən başqa bir şey olmayacaq”.

Bakı Qərb platformasında, xüsusən də sonuncu Vaşinqton görüşündən imtinasına gəldikdə Markedonov deyib ki, bu, Azərbaycanın Ermənistanla heç bir üçüncü tərəf olmadan ikitərəfli razılaşmalar əldə etməyə çalışması niyyətindən irəli gəlir. 

“Burada söhbət “üçüncü tərəflərin” tamamilə lazımsız olması deyil, lakin Bakı onların prosesə real təsirinin dərəcəsini minimuma endirmək istəyir. Bakıdan fərqli olaraq erməni tərəfi son fürsətə qədər “üçüncü”dən yapışacaq. Azərbaycan onun uğurlarının qeyd-şərtsiz tanınmasını, eləcə də Bakının əsas benefisiarlardan biri olacağı yeni regional status-kvonun formalaşmasını istəyir”, - rusiyalı politoloq bildirib.

Mürtəza
Ölkə.Az