Məşhur rəqqas intihara cəhd edib? - AÇIQLAMA

Tanınmış rəqqas Ramil Həsənov (Qasanov) intihara cəhd etməsi ilə bağlı yayılan məlumatlara aydınlıq gətirib.

Bu barədə Oxu.Az-a açıqlama verən rəqqas intihar cəhdinin olmadığını bildirib:

“Hər şey qaydasındadır. İntihara cəhd etməmişəm. Sadəcə olaraq, kənardan elə görünüb. İntihara cəhd belə, olmayıb. Kəskin öskürəyimə görə antibiotik qəbul etdim. Bədənimə əks-təsiri oldu”.

R.Həsənov paylaşımı özünün sildirdiyini söyləyib:

“Antibiotik halımı pisləşdirmişdi. Qardaşım çox qorxub. İşçim zəng edəndə qardaşım telefonu açıb. Vəziyyətimi ona bildirib. O da deyib ki, “Bir-iki saat öncə də mənimlə danışmışdı, halallıq istədi”. Bu səbəbdən işçim elə paylaşım edib. Yanlış anlaşılıb. Bizim aramızda halallıq zarafatı var idi. Çünki bir neçə problemim var idi. Bu səbəbdən intihar edəcəyimi düşünüb. Lakin belə bir hal olmayıb. Özümə gələndən sonra paylaşımı sildirdim. Dedim ki, bu nədir, paylaşmısınız?”

Rəqqas hazırda vəziyyətinin yaxşı olduğunu vurğulayıb:

“Maraqlandığınız üçün təşəkkür edirəm. Şükürlər olsun ki, hər şey yaxşıdır. Hazırda yayılan qripə yoluxmuşam. Kəskin öskürəyim var idi. Antibiotik qəbul etdim ki, sağalım. Məni daha da pis hala saldı. Mədəm yuyulub. Ciddi bir xəstəliyim yoxdur”.