Bu, sürətli Böyük Qayıdışın təmin olunmasına öz töhfəsini verəcək

Ağdərə rayonunun bərpa olunması tarixi hadisə olmaqla yanaşı, ərazi inzibati vahidlərinin bölgüsü istiqamətində islahatların davamı hesab etmək olar.

Ölkə.az xəbər verir ki, bunu deputat Kamran Bayarmov bunu parlamentin Regional məsələlər komitəsinin “Azərbaycan Respublikasının Ağdərə rayonunun yaradılması haqqında” qanun layihəsinin müzakirəsi zamanı deyib. 

Onun sözlərinə görə, inzibati ərazi bölgü vahidləri istiqamətində həyata keçirilən islahatlar əsas prioritetlərdən biridir. “Bu islahatlar  həmin ərazilərin daha optimal və effektiv idarə edilməsinə, sosial-iqtisadi vəziyyətinin yaxşılaşmasına xidmət edir. Çünki Ağdərənin yenidən bərpa olunmasından sonra islahatların davamı olacaq. İslahatlar həmin rayonda dövlət idarəetmə müəssisələrinin, bələdiyyələrin formalaşdırılması, torpaq mülkiyyətin müəyyənləşdirilməsi,  rayonun sosial-iqtisadi vəziyyətinin yaxşılaşdırılması və digər infrastruktur layihələrin həyata keçirilməsi ilə müşahidə olunacaq. Bu eyni zamanda sürtəli Böyük Qayıdışın təmin olunmasına öz töhfəsini verəcək. Bütün bu və digər baxımdan Ağdərənin bərpası mühüm tarixi əhəmiyyət kəsb edir”,- deputat qeyd edib.

Mürtəza
Ölkə.Az