Qərb üçün ən önəmli ölkə Azərbaycandır, bütün bunlar yalandır - Gevondyan 

Qərb üçün regionun ən önəmli ölkəsi Azərbaycandır və ABŞ ilə Azərbaycan arasında baş verənlər imitasiya və görüntü xarateri daşıyır.

Ölkə.Az xəbər verir ki, bunu erməni politoloq Alen Gevondyan deyib. 

Onun sözlərinə görə, bütün bunlar Ermənistan üçün edilir ki, İrəvanın xarici siyasət vektorunda dəyişiklik Qərbin maraqlarına əsaslansın.

“Ermənistan üçün geosiyasi manevr imkanları məhdudlaşacaq. Böyük oyunçular arasında güc balansı pozulduqda və onlardan birinin təsiri zəiflədikdə, təhlükələr daha da artmış olur. Azərbaycanda enerji layihələrində hansı ölkələrin şirkətləri fəal iştirak edir? Və bu maraqlar dəyişməyib. Azərbaycan hərbi əməliyyatlara görə real təzyiq altında qalmadı. Ona görə də Ermənistan “Qərb bizə kömək edəcək” şüarı ilə məhvinə əl atır”, - ekspert əlavə edib. 

O, ABŞ-nin regiondakı fəaliyyətini təbii adlandırıb: “Bu, Rusiyanı postsovet məkanından sıxışdırıb çıxarmaq məntiqinə uyğundur, o cümlədən həmin postsovet ölkələrinin dövlətçiliyini itirmək bahasına”.

O, proseslərə “yaxşı” və ya “pis” baxımından deyil, dövlətlərin maraqları prizmasından baxmağa çağırıb. “Bir dövlət öz maraqlarını irəli sürməyə, digəri isə müqavimət göstərməyə çalışır. Təcrübəsi olmayan kiçik ölkələr bu prosesdən əziyyət çəkə bilər. Postsovet məkanında artıq üç ölkə özünü bu geosiyasi qarşıdurmada alət kimi ortaya qoyub. Söhbət Gürcüstan, Ukrayna və Ermənistandan gedir”, - politoloq bildirib.

Mürtəza
Ölkə.Az