"Ağsaqqal" sözünü lüğətimizdən çıxarmağa çalışırdılar - Komitə sədri

Ailə institutları dövlətin tənzimlənməsi istiqamətində ciddi işlər görülür, amma bizi narahat edən məsələlər çoxdur. 

Ölkə.Az xəbər verir ki, bunu Mili Məclisin Ailə, Qadın və Uşaq Məsələləri üzrə Dövlət Komitəsinin sədri Hicran Hüseynova parlamentdə “Ailə sağlamlığı və dəyərləri qanunvericilik aspektində” mövzusunda keçirilən ictimai dinləmələr zamanı deyib.

“Biz nə etməliyik, qanunvericilikdə hansı dəyişiklik edilməlidir ki, ailə institutları, ailə münasibətləri daha möhkəm olsun”, - komitə sədri deyib.

O, çıxışında xüsusilə ailədə övladların təlim-tərbiyəsində ataların rolunun artırılmasına diqqət çəkərək deyib ki, ataların rolu nə qədər artırılarsa, həm ailələr möhkəm olar, həm də övladlar bir şəxsiyyət kimi yetişə bilər. 

“Biz dövləti ənənəvi ailə dəyərləri üzərində qururuq. Biz ənənələrdən kənarda yaşaya bilmərik. Bunu gənc nəsil bilməlidir. İndi lüğətimizdən "ağsaqqal" və "böyüklər" sözlərini çıxarmağa çalışırlar. Avropada böhran baş alıb gedəndə dedim ki, biz hara inteqrasiya etməliyik. Stop-islam deyən cəmiyyətəmi? Belə cəmiyyətə inteqrasiya qətiyyən olmaz. Bu vətəndaşlarımıza bir çağırışdır. Vətəndaşlarımıza sahib çıxmalıyıq. Ailə nə qədər möhkəm olarsa, dövlət də o qədər möhkəm olar”, - komitə sədri deyib.

O əlavə edib ki, bu sahədə qanunvericiliyin daha da təkmilləşdirilməsinə ehtiyac var.

Mürtəza
Ölkə.az.