Xocalı faciəsi Azərbaycandakı xarici tələbələrin gözü ilə

30 sentyabr 2015 ci il tarixində Bakı Slavyan Universitetində Azərbaycan Respublikasının Prezidenti yanında gənclər fondunun VI qrant müsabiqəsi çərçivəsində keçirilən “Xocalı faciəsi Azərbaycandakı xarici tələbələrin gözü ilə” adlı layihənin bağlanış mərasimi keçirilmişdir.

Ölkəmizdə təhsil alan çoxsaylı əcnəbi tələbələrin iştirak etdiyi layihə çərçivəsində yazı müsabiqəsi elan edilmiş, ekspertlər tərəfindən yazıların dəyərləndirilməsindən sonra qalib yazılar müəyyən edilmişdir. Layihənin bağlanış mərasimində media nümayəndələri, QHT təmsilçiləri və fəal gənclər iştirak etmişdir.

Layihə rəhbəri Cavid Süleymanlı bildirmişdir ki, layihəyə 13 müxtəlif ölkədən 50 dən çox yazı daxil olmuşdur. Bu yazılardan 3 ü yer tutmuş, ikisi xüsusi fəqlənmə almış , 23 ü isə sertifikatla təltif edilmişdir. Yazı müsabiqəsinin Qalibi Türkiyə vətəndaşı İsmail Yılmaz, İkinci yer Özbəkistan vətəndaşı Janna Lee, üçüncü yerə isə Nigeriya vətəndaşı Michael Areqon layiq görülmüşdür.

Eyni zamanda tədbirdə Xocalı Faciəsi və onun ağır nəticələri , Dağlıq Qarabağla bağlı diskussiya həyata keçirilmişdir.

Ölkə.az