Əsl payız havası başlayır: hava dəyişəcək

Oktaybrın 2-i günün ikinci yarısından şimal və qərb rayonlarIarından başlayaraq, oktyabrın 6-sı gündüzədək ölkə ərazisində hava şəraitinin qeyri-sabit keçəcəcəyi ğözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentindən Ölkə.Az-a verilən məlumata görə, həmin müddətdə havanın temperatur ötən günlərlə müqayisədə 3-5 dərəcə enəcək. Hava əsasən rayonlarda yağıntılı olacaq.

Oktyabrın 2-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecəyə doğru bəzu yerlərdə qısamüddətli yağış yağma ehtimalı var. Mülayim şimal küləyi əsəcək.

Havanın temperaturu gecə 17-20, gündüz 26-30 dərəcə isti olacaq.

Azərbaycanın rayonlarında oktaybrın 2-də hava əsasən yağmursuz olacaq. Lakin gündüz şimal və qərb rayonlarIarından başlayaraq, şimşək çaxacağı, arabir yağış yağacağı gözlənilir. Axşam bəzi yerlərdə yağıntının leysan xarakterli, intensiv olacağı ehtimalı var. Qərb küləyi əsəcək, arabir güclənəcək.

Havanın temperaturu gecə 15-20, gündüz 27-32, dağlarda gecə 9-14, gündüz 18-23 dərəcə isti olacaq.

 Ölkə.Az