Narkomaniyaya qarşı mübarizə üzrə gənclərin Regional Forumu keçiriləcək

Oktyabrın 2-də Salyan rayonunda “Narkomaniyaya qarşı mübarizə üzrə gənclərin Regional Forumu” keçiriləcək.

SalamNews-un məlumatına görə, Gənclər üçün Təhsil Mərkəzi tərəfindən keçirilən Forumun əsas məqsədi region gənclərinin sağlamlıq məsələlərinə diqqəti artırmaq, sağlam həyat tərzinin təbliği istiqamətində maarifləndirmə işləri aparmaq, bu sahədə yeni təşəbbüslərin formalaşmasına dəstək vermək, o cümlədən gənclər arasında narkomaniyaya qarşı mübarizə üzrə birgə əməkdaşlıq imkanları yaratmaqdır.

Forum Azərbaycan Respublikası Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının, Nartotiklərə Qarşı Milli Təbliğat Ofisinin və Səhiyyə Nazirliyinin İctimai Səhiyyə və İslahatlar Mərkəzinin tərəfdaşlığı ilə təşkil olunub.

Forumda Şirvan, Hacıqabul, Salyan, Saatlı, İmişli, Kürdəmir, Sabirabad, Ucar, Beyləqan, Yevlax və Ağsu rayonlarından 500-ə yaxın yeniyetmə və gəncin iştirakı nəzərdə tutulur.

Ölkə.az