Mətn ölçüsü:
  • 100%

Bu qaydaları pozanların cərimələri sərtləşdirilir

Milli Məclisin bu gün keçirilən plenar iclasında İzibati Xətalar Məcəlləsinə dəyişiklik məsələsi müzakirə edilib.

Ölkə.Az xəbər verir ki, Məcəllənin 307-ci maddəsinə aşağıdakı dəyişiklik nəzərdə tutulur:

“307.4. Dəniz nəqliyyatı sahəsində beynəlxalq konvensiyaların tələblərinə, habelə dəniz üzgüçülüyünün təhlükəsizliyi, dənizdə insan həyatının və sağlamlığının qorunması, dəniz ətraf mühitinin mühafizəsi ilə bağlı müvafiq icra hakimiyyəti orqanının müəyyən etdiyi orqanın (qurumun) göstərişlərinin icra edilməməsi, habelə bu sahədə müvafiq icra hakimiyyəti orqanının müəyyən etdiyi orqanın (qurumun) müəyyən etdiyi tələblərə zidd olaraq gəmilərin istismar və idarə edilməsinə görə - fiziki şəxslər üç yüz manat məbləğində, vəzifəli şəxslər beş yüz manat məbləğində, hüquqi şəxslər beş min manat məbləğində cərimə edilir”;

2.3. aşağıdakı məzmunda 307.5-ci maddə əlavə edilsin:

“307.5. Dənizdə gəmidə baş vermiş qəza barədə müvafiq icra hakimiyyəti orqanının müəyyən etdiyi orqana (quruma) məlumat verilməməsinə görə - fiziki şəxslər üç yüz manat məbləğində, vəzifəli şəxslər beş yüz manat məbləğində, hüquqi şəxslər iki min manat məbləğində cərimə edilir.”.

Məsələ müzakirəyə qoyularaq qəbul edilib.

Mürtəza
Ölkə.Az