Elm və Təhsil Nazirliyində yeni təyinat olub - FOTO

Birinci “Yüksəliş” müsabiqəsinin qalibi Turxan Süleyman Elm və Təhsil Nazirliyinin Elm və ali təhsil siyasəti şöbəsinin müdiri vəzifəsinə təyin olunub.

“Report”un məlumatına görə, bu barədə müvafiq əmr imzalanıb.

Qeyd edək ki, 35 yaşlı şöbə müdiri Bakı Slavyan Universitetinin bakalavr, Bakı Dövlət Universitetinin magistratura və doktorantura məzunudur. Azərbaycan Dövlət Mədəniyyət və İncəsənət Universitetində baş müəllim və şöbə müdiri vəzifəsində çalışıb.