İsrafil İsrafilov jurnalisti yenidən məhkəməyə verdi

Akademik Milli Dram Teatrının direktoru İsrafil İsrafilov Nəsimi Rayon Məhkəməsinin jurnalist Ənvər Börüsoy barədə çıxardığı hökmdən narazı qalıb

Ölkə.Az xəbər verir ki, direktor məhkəmənin qərarından apellyasiya şikayəti verib. Xatırladaq ki, Nəsimi rayon məhkəməsinin hakimi Rəşid Səmədovun sədrliyi ilə keçirilən proses Ənvər Börüsoyun xeyrinə yekunlaşmış və direktorun iddiaları əsassız sayılmışdı.

Onu da qeyd edək ki, İsrafil İsrafilov Ənvər Börüsoyu Cinayət Məcəlləsinin işgüzar nüfuza xələl gətirmə, şərəf və ləyaqəti alçaltma, böhtan atma maddələri ilə məhkəməyə vermişdi. Buna səbəb jurnalistin "Teatrın estetikasını və poetikasını bilməyənlər", "Dövlət Teatrı “şəxsi mülkiyyət”ə çevrilib", ""Azdrama"nın azmış dramı" adlı məqalələrində Milli Dram Teatrının direktoru, sənətşünaslıq elmləri doktoru İsrafil İsrafilovu, aparıcı aktyorları, Mədəniyyət və Turizm Nazirliyinin rəsmilərini tənqid etməsi idi. İsrafilov hesab edir ki, sözügedən yazılar həqiqəti əks etdirmir və böhtan xarakterlidir.

İntiqam VALEHOĞLU
Ölkə.az