Mingəçevirdə məcburi köçkünlərə qarşı bunu da etdilər

Mingəçevir şəhərindəki məcbur köçkün şəhərciyinin sakinləri onlara göstərilən münasibətdən narazıdırlar.

Belə ki, sakinlər Ölkə.Az-a bildiriblər ki, onlara qarşı açıq-aşkar ayrı-seçkilik var:

"Avropa Oyunları zamanı turistlər məcburi köçkün şəhərciyində yerləşdirilmişdilər. Sonra həmin evləri bizə verdilər. Sizə göndərdiyimiz fotolarda mətbəxdəki su kranlarının üstünə həm ingilis, həm də Azərbaycan dilində "su içməli deyil" bildirişi yapışdırılıb. Təbii ki, bu bildiriş turistlər üçündür. Amma indi həmin sudan istifadə etməyə məcburuq. İnanırıq ki, aidiyyatı qurumlar bizə qarşı olan bu qeyri-insani münasibətə bir cavab verəcəklər".

İntiqam VALEHOĞLU
Ölkə.Az